ରାଜଧାନୀର ଆତଙ୍କରାଜ, ରିଲସରେ ଫଲୋଅର୍ସ ବଢ଼ିବାରୁ ସଂଘବଦ୍ଧ ଆକ୍ରମଣ

ଭୁବନେଶ୍ୱର: ରାଜଧାନୀର ଆତଙ୍କରାଜ । ରିଲସରେ ଫଲୋଅର୍ସ ବଢ଼ିଲା ବୋଲି ଯୁବକଙ୍କୁ ଖଣ୍ଡାରେ ସଂଘବଦ୍ଧ ଆକ୍ରମଣ ହୋଇଥିବା ଅଭିଯୋଗ ହୋଇଛି । ସିସିଟିଭିରେ ପୂରା ଆକ୍ରମଣର ଭିଡିଓ କଏଦ ହୋଇଛି । ରାଜଧାନୀ ଭୁବନେଶ୍ବର ସହିଦନଗରରେ ଦେଖିବାକୁ ମିଳିଛି ଏଭଳି ଏକ ଲୋମହର୍ଷଣକାରୀ ଘଟଣା । ଗତ ମେ ୩୧ ତାରିଖରେ ଏହି ଘଟଣା ଘଟିଥିଲା । ରାତି ୮ଟାରେ ଖଣ୍ଡା, ଭୂଜାଲି ଧରି ୯ ନମ୍ବର ଅଞ୍ଚଳରେ ରହୁଥିବା ଚନ୍ଦନଙ୍କୁ କିଛି ଦୁର୍ବୃତ୍ତ ଗୋଡ଼ାଇ ଗୋଡ଼ାଇ ହାଣିଥିବା ଦେଖିବାକୁ ମିଳିଥିଲା । ଆକ୍ରମଣରେ ଚନ୍ଦନ ଗୁରୁତର ଆହତ ହୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି ।

ସ୍ଥାନୀୟ ବାସିନ୍ଦାଙ୍କ କହିବା ଅନୁଯାୟୀ, ରିଲ୍ସ ଭିଡିଓ ବଢ଼ିବାକୁ ନେଇ ଚନ୍ଦନଙ୍କୁ ଆକ୍ରମଣ ହୋଇଛି । ଘଟଣା ଦିନ ରାତି ପ୍ରାୟ ୮ଟା ବେଳେ ଚନ୍ଦନ ମହର୍ଷି କଲେଜ ପଛରେ ଥିବା ଏକ ଚା ଦୋକାନରେ ଛିଡ଼ା ହୋଇଥିବା ବେଳେ, କିଛି ଦୁର୍ବୃତ୍ତ ଆସି ତାଙ୍କୁ ଅତର୍କିତ ଆକ୍ରମଣ କରିଥିଲେ । ଫିଲ୍ମ ଷ୍ଟାଇଲରେ ଗୋଡାଇ ଗୋଡାଇ ହାଣିଥିଲେ । ଏନେଇ ସହିଦନଗର ଥାନାରେ ଅଭିଯୋଗ ହୋଇଛି । ଏହି ସ୍ଥାନରେ ମଦ ଏବଂ ଡ୍ରଗ୍ସ ନିଶାଖୋର ମାନେ ଆଡ୍ଡା ଜମାଉ ଥିବା ବେଳେ ପାଟ୍ରୋଲିଂ ହେଉନଥିବା ଅଭିଯୋଗ ହୋଇଛି ।