ବିବାହ ଉତ୍ସବରେ ଜ୍ୱାଇଁଙ୍କୁ ବୁଲଡୋଜର ଉପହାର ଦେଲେ ଶ୍ୱଶୁର

ଲକ୍ଷ୍ନୌ: ବିବାହ ଉତ୍ସବରେ ବରଙ୍କୁ ବିଭିନ୍ନ ଉପହାର ଦିଆଯାଇଥାଏ । ବହୁ ଦାମୀ ଜିନିଷ ବି ଦିଆଯାଇଥାଏ । ମାତ୍ର ଉତ୍ତରପ୍ରଦେଶ ହମିରପୁରରେ ଜ୍ବାଇଁଙ୍କୁ ଏକ ବିଚିତ୍ର ଉପହାର ଦେଇଛନ୍ତି କନ୍ୟାପିତା । ଏହି ଉପହାର ହେଉଛି ବୁଲଡୋଜର । ହମିରପୁରର ଯୋଗେନ୍ଦ୍ର ସ୍ଥାନୀୟ ଅଞ୍ଚଳରେ ବିବାହ କରିଥିଲେ । ବିବାହ ଉତ୍ସବରେ କିନ୍ତୁ ସମସ୍ତଙ୍କ ନଜରରେ ଆସିଥିଲା ଏକ ବୁଲଡୋଜର । ବେଲୁନ ଓ ଫୁଲମାଳ ଲଗାଯାଇଥିବା ବୁଲଡୋଜରଟି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା । ଏହି ବୁଲଡୋଜରକୁ ଶ୍ୱଶୁର ତାଙ୍କ ଜ୍ୱାଇଁଙ୍କୁ ଦେଇଥିବା ଜଣାପଡ଼ିଛି ।