ପାରିବାରିକ କଳହରୁ ବୀଭତ୍ସ ହତ୍ୟା, ନାତିକୁ ବର୍ଚ୍ଛାରେ ଭୁସି ହତ୍ୟା କଲା ଅଜା

ନୂଆପଡା : ପାରିବାରିକ କଳହରୁ ବୀଭତ୍ସ ହତ୍ୟା । ନାତିକୁ ବର୍ଚ୍ଛାରେ ଭୁସି ହତ୍ୟା କଲା ଅଜା । ନୂଆପଡା ଜିଲ୍ଲା କୋମନା ଥାନା କ୍ରୀଷ୍ଣା ଗାଁରେ ଘଟିଛି ଅଭାବନୀୟ ଘଟଣା । ମୃତକ ୨୧ ବର୍ଷୀୟ ନାତି ଦୁଷ୍ମନ୍ତ ହଂସ । ଅଭିଯୋଗ ଅନୁସାରେ ଦୁଷ୍ମନ୍ତ ଓ ଅଭିଯୁକ୍ତ ଅଜା ଯଦୁମଣିଙ୍କ ମଧ୍ୟରେ ପାରିବାରିକ କଳହ ଲାଗି ରହିଥିଲା ।

ନିଶାସକ୍ତ ଅବସ୍ଥାରେ ଯଦୁମଣି ଦୁଷ୍ମନ୍ତଙ୍କୁ ବର୍ଚ୍ଛାରେ ଆକ୍ରମଣ କରିଥିଲା । ଦୁଷ୍ମନ୍ତଙ୍କୁ ଗୁରୁତର ଅବସ୍ଥାରେ କୋମନା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ମୃତ୍ୟୁ ହୋଇଛି । ଦୁଷ୍ମନ୍ତଙ୍କ ସ୍ତ୍ରୀ ମଧ୍ୟ ଗୁରୁତର ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ଘଟଣାସ୍ଥଳରେ ପୋଲିସ ପହଞ୍ଚି ଅଭିଯୁକ୍ତ ଅଜାକୁ ଅଟକ ରଖି ତଦନ୍ତ ଜାରି ରଖିଛି ।