ସୂର୍ଯ୍ୟ ମନ୍ଦିର ଗର୍ଭଗୃହ ଓ ଚତୁଃପାର୍ଶ୍ବର ଜିପିଆରଏସ ଲେଜର ସ୍କାନିଂ
1 min read
କୋଣାର୍କ: ସୂର୍ଯ୍ୟମନ୍ଦିର ଗର୍ଭଗୃହ ଓ ଚତୁଃପାର୍ଶ୍ଵର ହେଲା ଜିପିଆରଏସ୍ ଲେଜର ସ୍କାନିଂ । ଶୀଘ୍ର ସୂର୍ଯ୍ୟମନ୍ଦିର ପାରିପାର୍ଶ୍ବିକ ସୌନ୍ଦର୍ଯ୍ୟକରଣ କାର୍ଯ୍ୟ ଆରମ୍ଭ ହେବ । କୋଣାର୍କ ସୂର୍ଯ୍ୟ ମନ୍ଦିର ଚତୁଃପାର୍ଶ୍ଵର ଆଜି ଭୂତଳ ଜିପିଆରଏସ ଲେଜର ସ୍କାନିଂ କରାଯାଇଛି । ଭାରତୀୟ ପ୍ରତ୍ନତତ୍ତ୍ଵ ବିଭାଗ ପୁରୀ ସର୍କଲର ଅଧୀକ୍ଷକ ଡିବି ଗଡନାୟକ ଓ ଡେପୁଟି ଇଂଜିନିଅର ଚିତ୍ତରଞ୍ଜନ ଦାଶଙ୍କ ନେତୃତ୍ୱରେ ହାଇଦ୍ରାବାଦ ସ୍ଥିତ ନ୍ଯାସନାଲ ଜିଓଗ୍ରାଫିକାଲ ରିସର୍ଚ୍ଚ ଇନଷ୍ଟିଚ୍ୟୁଟ NGRIର ୩ ଜଣିଆ ବୈଜ୍ଞାନିକଙ୍କୁ ଟିମ ଏହି ଲେଜର ସ୍କାନିଂ ଆରମ୍ଭ କରିଛନ୍ତି ।
କୋଣାର୍କ ସୂର୍ଯ୍ୟ ମନ୍ଦିର ଗର୍ଭଗୃହ ଓ ଚତୁଃପାର୍ଶ୍ଵର ଜିପିଆରଏସ ଲେଜର ସ୍କାନିଂ ଦ୍ୱାରା ଭୂତଳ ସର୍ବେକ୍ଷେଣ କରାଯାଇଛି । ବରିଷ୍ଠ ବୈଜ୍ଞାନିକ ଡକ୍ଟର ଏ.କେ. ପାଣ୍ଡେଙ୍କ ସମେତ ବୈଜ୍ଞାନିକ ନୀଲେଶ କୁମାର ଜୈସ୍ଵାରା ଓ ବୈଜ୍ଞାନିକ ସତୀଶ ଚନ୍ଦ୍ର ବର୍ମା ପ୍ରମୁଖ ସୂର୍ଯ୍ୟ ମନ୍ଦିର ଚତୁଃପାର୍ଶ୍ୱରେ ଜିପିଆରଏସ ଲେଜର ସ୍କାନିଂ କରିଥିଲେ ।
ମେସିନ ମାଧ୍ୟମରେ ଭୂମି ତଳକୁ ୧୦ ମିଟର ପର୍ଯ୍ୟନ୍ତ ଅନୁଧ୍ୟାନ କରି ମାଟି ତଳେ କିଛି ଭଗ୍ନ ମନ୍ଦିର କି କୌଣସି ନିର୍ମାଣ ସୌଧ ରହିଛି, ତାକୁ ଟିକିନିଖି ଅନୁଧ୍ୟାନ କରି ଭୂତଳ ସର୍ବେକ୍ଷେଣ ପ୍ରକ୍ରିୟା ଆରମ୍ଭ କରିଛନ୍ତି । ସର୍ବେକ୍ଷଣ ପରେ ଜଣାପଡିବ କୋଣାର୍କ ସୂର୍ଯ୍ୟ ମନ୍ଦିର ଚତୁଃପାର୍ଶ୍ବ ମାଟି ତଳେ କ’ଣ ରହିଛି ତାହା ଜଣାପଡ଼ିବ । ଅତ୍ୟାଧୁନିକ ଜିପିଆରଏସ ଲେଜର ସ୍କାନିଂ ରିପୋର୍ଟ ମିଳିବା ପରେ ସୂର୍ଯ୍ୟମନ୍ଦିର ଚାରିପାଖର ସୌନ୍ଦର୍ଯ୍ୟକରଣ କାର୍ଯ୍ୟ ଆରମ୍ଭ କରାଯିବ ବୋଲି ସୂଚନା ଦେଇଛନ୍ତି ଏଏସଆଇ ଅଧିକାରୀ ।
