ପିଲାଙ୍କ ପାଠପଢ଼ାରେ କରୋନା କଣ୍ଟା, କମିବ ୩୦ପ୍ରତିଶତ ପାଠ୍ୟକ୍ରମ
ଭୁବନେଶ୍ୱର: ପିଲାଙ୍କ ପାଠପଢ଼ା ପାଇଁ କରୋନା ସାଜିଲା କଣ୍ଟା । ଚଳିତ ବର୍ଷ ବି ସ୍କୁଲ ଖୋଲିବା ସମ୍ଭାବନା କମ୍ । ତେଣୁ ଗତବର୍ଷ ପରି ଚଳିତ ବର୍ଷ ମଧ୍ୟ କମିବ ସିଲାବସ୍ । ଚଳିତ ଶିକ୍ଷାବର୍ଷରେ ନବମ ଓ ଦଶମ ଶ୍ରେଣୀରେ ପୁଣି ହ୍ରାସ ପାଇବ ପାଠ୍ୟକ୍ରମ। ଏ ନେଇ ସୂଚନା ଦେଲେଇଛନ୍ତି ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ।
ସୂଚନା ମୁତାବକ ନବମ ଓ ଦଶମ ଶ୍ରେଣୀର ପାଠ୍ୟକ୍ରମ ଶତକଡା ୩୦ପ୍ରତିଶତ ହ୍ରାସ କରିବାକୁ ସ୍କୁଲ ଓ ଗଣଶିକ୍ଷା ବିଭାଗ ନିଷ୍ପତ୍ତି ନେଇଛି। ଗତବର୍ଷ ହ୍ରାସ ପାଇଥିଲା ପାଠ୍ୟକ୍ରମ, ଚଳିତ ବର୍ଷ ମଧ୍ୟ କମିବ ସିଲାବସ୍। କୋଭିଡ ସ୍ଥିତି ଓ ଅନଲାଇନ ପାଠପଢାକୁ ଦୃଷ୍ଟିରେ ରଖି ଏଭଳି ନିଷ୍ପତ୍ତି ହୋଇଥିବା ସୂଚନା । ଛାତ୍ରଛାତ୍ରୀଙ୍କ ସ୍ୱାର୍ଥକୁ ଗୁରୁତ୍ୱ ଦେଇ ଏଭଳି ନିଷ୍ପତ୍ତି ନିଆଯାଇଛି।
ଜଣାଇଦେବାକୁ ଚାହୁଁ ଯେ କରୋନା ପାଇଁ ଏବେ ରାଜ୍ୟରେ ୟୁ ଟ୍ୟୁବ୍ କ୍ଲାସ୍ ଚାଲିଛି । ସେହିପରି ଅନଲାଇନ ପରୀକ୍ଷା ପାଇଁ ମଧ୍ୟ ବ୍ୟବସ୍ଥା ଚାଲିଛି।
