ରାଜ୍ୟରେ ଜଙ୍ଗଲ ବିଭାଗରେ ଆସିବ ସ୍ୱଚ୍ଛତା, ୪୧ ବର୍ଷର ଆଇନରେ ସଂଶୋଧନ…

ଭୁବନେଶ୍ୱର: ରାଜ୍ୟରେ ଜଙ୍ଗଲ ବିଭାଗରେ ଆସିବ ସ୍ବଚ୍ଛତା  । ଏଥିପାଇଁ ୪୧ବର୍ଷର ପୁରୁଣା ବନ ସଂହିତାକୁ ସଂଶୋଧନ କରିଛନ୍ତି ରାଜ୍ୟ ସରକାର  ।  ୧୯୭୯ ମସିହାରେ ଗଠିତ ହୋଇଥିବା ବନାଞ୍ଚଳ ସଂହିତା ସଂଶୋଧନକୁ  ମୁଖ୍ୟମନ୍ତ୍ରୀ ମଞ୍ଜୁରୀ ଦେଇଛନ୍ତି । ସଂଶୋଧିତ ବନ ସଂହିତା ଅନୁସାରେ ଜଙ୍ଗଲ ବିଭାଗକୁ ୮ଟି ଆଞ୍ଚଳିକ ସର୍କଲରେ ବିଭକ୍ତ କରାଯାଇଛି  । ପ୍ରତ୍ୟେକ ସର୍କଲରେ ଜଣେଜଣେ ବନ ସଂରକ୍ଷକ ରହିବେ  ।

ବିଭାଗର ଆକାଉଣ୍ଟିଂ ବ୍ୟବସ୍ତାରେ ନୂଆ ନୀତି ଅବଲମ୍ବନ କରାଯିବ  । ଏହାକୁ ରାଜ୍ୟ ସମନ୍ୱିତ ଆର୍ଥିକ ପରିଚାଳନା ସହ ସଂଯୁକ୍ତ କରାଯିବ  । ବନାଞ୍ଚଳରେ ନିର୍ମାଣ କାର୍ଯ୍ୟ ଏବଂ ଟେଣ୍ଡର ବ୍ୟବସ୍ଥାରେ ସ୍ୱଚ୍ଛତା ଅଣାଯିବ  ।  ପ୍ରଧାନ ମୁଖ୍ୟ ବନସଂରକ୍ଷକ, ବନାଞ୍ଚଳ ଅଧିକାରୀ ଓ ଆଞ୍ଚଳିକ ମୂଖ୍ୟ ବନ ସଂରକ୍ଷକଙ୍କୁ ବିତ୍ତୀୟ କ୍ଷମତା ଦିଆଯିବ  ।  ସାତକୋଶିଆ ବ୍ୟାଘ୍ର ପ୍ରକଳ୍ପ ଅନୁଗୁଳ ବନାଞ୍ଚଳ ଅଧିନରେ ଆସୁଥିବାବେଳେ ଶିମିଳିପାଳ ବାରିପଦା ଅଧିନରେ ଆସିବ  । ପ୍ରଶିକ୍ଷଣ ଓ ଉନ୍ନୟ ପାଇଁ କଟକରେ ଅଣ-ବନାଞ୍ଚଳ ସର୍କଲ ରହିବ  ।