ରାଜ୍ୟର ବକେୟା GST ଟଙ୍କା ଦେବାକୁ କେନ୍ଦ୍ର ପାଖରେ ନାହିଁ ଅର୍ଥ

ନୂଆଦିଲ୍ଲୀ: ତିନି ବର୍ଷ ତଳେ ୨୦୧୭ ମସିହାରେ ଦେଶରେ ଜିଏସଟି ଲାଗୁ ହୋଇଥିଲା । GST ଲାଗୁର ତିନି ବର୍ଷ ପରେ କେନ୍ଦ୍ର ସରକାର ପ୍ରଥମ ଥର ପାଇଁ କହିଛନ୍ତି ରାଜ୍ୟକପ GST ରାଜସ୍ୱ ଦେବାକୁ ଟଙ୍କା ନାହିଁ । ଏବଂ GST ଆଇନରେ ମଧ୍ୟ ସେମିତି କିଛି ନାହିଁ ।

ଲକଡାଉନର ବହୁ ପୂର୍ବରୁ ୨୦୧୯ ମସିହା ଅଗଷ୍ଟ ମାସରୁ ସରକାର ଜିଏସଟିରୁ ରାଜସ୍ୱ ରାଜ୍ୟ ଗୁଡ଼ିକ ପାଇଁ ଅଧା ହୋଇଯାଇଛି । କେତେକ ସାମଗ୍ରୀରେ ଟ୍ୟାକ୍ସକୁ ବଢ଼ାଇ ଦିଆଯାଇଥିବା ବେଳେ କେତକରୁ ଟ୍ୟାକ୍ସ ଛାଡ଼ କରାଯାଇଛି ।

କେନ୍ଦ୍ର ଅର୍ଥ ସଚିହ ଅଜୟ ଭୂଷଣ ପାଣ୍ଡେ ଅର୍ଥ ମନ୍ତ୍ରାଳୟର ସଂସଦୀୟ ପ୍ୟାନେଲ କମିଟିକୁ କହିଛନ୍ତି- କେନ୍ଦ୍ର ସରକାର ବର୍ତ୍ତମାନ ଜିଏସଟି ଆଇନ୍ ପ୍ରକାରେ ରାଜ୍ୟକୁ ରାଜସ୍ୱ ଅଂଶ ଦେବା ସ୍ଥିତିରେ ନାହାଁନ୍ତି । ପାଣ୍ଡେଙ୍କ ଏହି ମନ୍ତବ୍ୟ ଏବେ ବିରୋଧୀ ଶିବିରରେ ରଣହୁଙ୍କାର ସୃଷ୍ଟି କରିଛି । ଏହି ବୈଠକରେ ଯୋଗ ଦେଇଥିବା କଂଗ୍ରେସ ଓ ଅନ୍ୟ ଦଳର ସଦସ୍ୟ କମିଟିର ଅଧ୍ୟକ୍ଷ ତଥା ବିଜେପି ନେତା ଜୟନ୍ତ ସିହ୍ନାଙ୍କୁ ଏନେଇ ପ୍ରଶ୍ନ କରିଛନ୍ତି ।

କରୋନା ସଂକଟ ପାଇଁ ରାଜସ୍ୱ ଆୟ କମିଛି । ରାଜ୍ୟ ସରକାର ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ବିଭିନ୍ନ ରାଜ୍ୟ ଆର୍ଥିକ ସଂକଟର ସାମନା କରୁଛନ୍ତି ଗତ କିଛି ମାସ ହେଲା । ଏନେଇ ବିରୋଧୀ ତଥ୍ୟ ଉପସ୍ଥାପନ କରିବା ସହ ରାଜ୍ୟକୁ ଜିଏସଟି ଭାଗ ଦେବା ପାଇଁ ଦାବି କହିଛନ୍ତି ।

କମିଟି ସଦସ୍ୟଙ୍କ ଅନୁସାରେ GST ଆଇନରେ କେନ୍ଦ୍ର ରାଜ୍ୟ ରାଜସ୍ୱର ୧୪ ପ୍ରତିଶତ ବୃଦ୍ଧି ଯାଏଁ ସହାୟତା କରିବା ଉଚିତ୍ । ଯାହାକି ୨୦୧୬ ଆର୍ଥିକ ବର୍ଷରେ ହୋଇଥିବା ରାଜସ୍ୱ ଓ ଟ୍ୟାକ୍ସ ଗଣନା ଅନୁଯାୟୀ ହେବା ଦରକାର । ରାଜ୍ୟ କରୋନା କାଳରେ ଅଧିକ ଖର୍ଚ୍ଚ ବହନ କରୁଛି । ଶ୍ରମିକଙ୍କୁ ସହାୟତା ଦେବା ସହ କାମ ମଧ୍ୟ ଦେଉଛି ।

ଅର୍ଥ ସଚିବ ବିରୋଧୀ ରାଜ୍ୟ ରାଜସ୍ୱ ଆୟ କମିଥିବା ମାନିବା ସହ ଏହା ବାବାଦରେ ଜିଏସଟି କାଉନସିଲରେ ଆଲୋଚନା ହୋଇଥିବା କହିଛନ୍ତି । ଗତ ସୋମବାର କେନ୍ଦ୍ର ସରାକର ୨୦୧୯-୨୦ ଆର୍ଥିକ ବର୍ଷ ପାଇଁ  ରାଜ୍ୟ ଗୁଡ଼ିକୁ ମୋଟ ୧୩ ହଜାର ୮୦୬ କୋଟି ଟଙ୍କାର GST ସହାୟତା ଦେଇଥିଲେ ।