ନୂଆଦିଲ୍ଲୀ: କେନ୍ଦ୍ରୀୟ ସ୍ୱାସ୍ଥ୍ୟ ମନ୍ତ୍ରଣାଳୟ କରୋନା ଭାଇରସ ସଂକ୍ରମିତଙ୍କ ଚିକିତ୍ସାପାଇଁ ବାହାରିଥିବା ୨ଟି ଆଣ୍ଟିବଡ଼ି (ରେମଡେସିଭିର୍ ଏବଂ ଫାଭିପିରାଭିର)ର ପ୍ରଭାବରେ ଜମାବି ସନ୍ତୁଷ୍ଟ ନୁହଁନ୍ତି ।
ସ୍ୱାସ୍ଥ୍ୟ ମନ୍ତ୍ରଣାଳୟରେ ମିଳିତ-ମନିଟରିଂ ଗ୍ରୁପ୍ (ବୈଷୟିକ କମିଟି) ଦ୍ୱାରା କରୋନାଭାଇରସ୍ ରୋଗୀଙ୍କ ଉପରେ ଏହି ଦୁଇଟି ଆଣ୍ଟିବଡ଼ି ଔଷଧର ପ୍ରଭାବ ବିଷୟରେ ଆଲୋଚନା ପାଇଁ ନିକଟରେ ଏକ ବୈଠକ ବସିଥିଲା । ICMR, NCDC, DCGI, WHO ପ୍ରତିନିଧୀ, AIIMS, DGHS, ପଶୁପାଳନ ମନ୍ତ୍ରଣାଳୟର ବିଶେଷଜ୍ଞମାନେ ଏହି ଉଚ୍ଚ ସ୍ତରୀୟ ବୈଠକରେ ଅଂଶଗ୍ରହଣ କରିଥିଲେ । ସରକାରୀ ବରିଷ୍ଠ ଅଧିକାରୀ ଗଣମାଧ୍ୟମକୁ ଜଣାଇଛନ୍ତି ଯେ, ବୈଷୟିକ କମିଟି ଭାଇରସ୍ ଉପରେ ଏହି ଦୁଇଟି ଆଣ୍ଟିବଡ଼ିର ପ୍ରଭାବ ଠିକ୍ ଭାବେ ପଡ଼ୁ ନାହିଁ । ଏଥିସହ ଆଣ୍ଟିବଡ଼ି ମାଧ୍ୟମରେ କରୋନାର ସଫଳ ଚିକିତ୍ସା ହେବା ନେଇ କୌଣସି ସଠିକ୍ ପ୍ରମାଣ ମଧ୍ୟ ମିଳି ନାହିଁ । ଅଧିକାରୀ କହିଛନ୍ତି, “ଯେଉଁ ଦେଶମାନେ ଏହି ଦୁଇଟି ଆଣ୍ଟିବଡ଼ି ବ୍ୟବହାର କରିଛନ୍ତି, ତାହା କରୋନାଭାଇରସ୍ ରୋଗୀଙ୍କ ଉପରେ ସୁଫଳ ଦେଖାଇ ନାହିଁ । ଏବଂ ଏହା ମୃତ୍ୟୁ ହାର ହ୍ରାସ କରିନି, କି ରୋଗୀଙ୍କୁ ଡାକ୍ତରଖାନାରେ ଭର୍ତ୍ତି ମଧ୍ୟ ହ୍ରାସ କରି ନାହିଁ ।”
ଏପର୍ଯ୍ୟନ୍ତ ଆମେ କେବଳ ଆପଣମାନଙ୍କୁ ସୁପାରିସ କରିପାରିବୁ ଯେ, ହାଇଡ୍ରୋକ୍ଲୋରୋକ୍ୱିନ ହିଁ ଏକମାତ୍ର ଔଷଧ ଯାହା କରୋନା ଭାଇରସରେ ପ୍ରଭାବ ପକାଇବାରେ କିଛି ମାତ୍ରାରେ ସଫଳ ହେଉଛି ।
ଏଥିରେ କରୋନାର ସନ୍ଦିଗ୍ଧ କିମ୍ବା ନିଶ୍ଚିତ ମାମଲାଗୁଡ଼ିକ, ଲାବ୍ରୋଟୋରୀ-ସୁନିଶ୍ଚିତ ମାମଲାଗୁଡ଼ିକ, ଗୁରୁତର ରୋଗରେ ଆକ୍ରାନ୍ତ ରୋଗୀଙ୍କୁ ଏବଂ ଆଇସିୟୁରରେ ରଖିବା ଆବଶ୍ୟକ । ଏହାସହ ଅଧିକାରୀ କହିଛନ୍ତି, ସରକାରୀ ନିର୍ଦ୍ଦେଶାବଳୀ ଅନୁଯାୟୀ କେବଳ ପଞ୍ଜୀକୃତ ଡାକ୍ତରୀ ଚିକିତ୍ସକଙ୍କ ପ୍ରେସକ୍ରିପସନ୍ ଉପରେ ହାଇଡ୍ରୋକ୍ଲୋରୋକ୍ୱିନ ଦିଆଯିବା ଆବଶ୍ୟକ।
ଗ୍ଲେନମାର୍କ ହେଉଛି ଦେଶରେ ପ୍ରଥମ କମ୍ପାନୀ ଯିଏ କୋଭିଡ-୧୯ ରୋଗୀଙ୍କ ପାଇଁ ଫାଭିପିରାଭିର ଉପରେ ଫେଜ୍ -3 କ୍ଲିନିକାଲ୍ ପରୀକ୍ଷା ଆରମ୍ଭ କରିଥିଲା ।ଆମେରିକାର ଖାଦ୍ୟ ଏବଂ ଔଷଧ ପ୍ରଶାସନ ଏକ ଜରୁରୀକାଳୀନ ପରିସ୍ଥିତିରେ ରେମଡେଜିଭର ଆଣ୍ଟିବଡ଼ିର ବ୍ୟବହାର ପାଇଁ ଅନୁମତି ଦେଇଛି । ଏବଂ ଏହା ସନ୍ଦିଗ୍ଧ, ଚିହ୍ନଟ ସଂକ୍ରମିତ, ଏବଂ ଗୁରୁତର ଆକ୍ରାନ୍ତ ବୟସ୍କ ଏବଂ ଶିଶୁଙ୍କ ଚିକିତ୍ସା ପାଇଁ ଫଳପ୍ରଦ ହେବ ବୋଲି ସେ ସ୍ପଷ୍ଟ କରିଛି ।
ସନ୍ଦିଗ୍ଧ କିମ୍ବା ଲାବ୍ରୋଟୋରୀ-ସୁନିଶ୍ଚିତ କୋଭିଡ-୧୯ର ଚିକିତ୍ସା ପାଇଁ ଅନୁସନ୍ଧାନକାରୀ ଆଣ୍ଟିଭାଇରାଲ୍ ଡ୍ରଗ୍ ରିମଡେସିଭର୍ ପାଇଁ ଯୁକ୍ତରାଷ୍ଟ୍ରର ଖାଦ୍ୟ ଏବଂ ଔଷଧ ପ୍ରଶାସନ ଏକ ଜରୁରୀକାଳୀନ ବ୍ୟବହାର ଅନୁମତି ପ୍ରଦାନ କରିଛି।
ଅଧିକାରୀମାନେ କହିଛନ୍ତି, ଆଣ୍ଟିବଡ଼ି ଅନୁସନ୍ଧାନକାରୀ ଫାର୍ମାସ୍ୟୁଟିକାଲ୍ କମ୍ପାନୀଠଆରୁ କିଛି ବି ଆବେଦନ ଗ୍ରହଣ କରିନାହିଁ । ଯିଏ କି COVID-19 ଚିକିତ୍ସା ପାଇଁ ଆଣ୍ଟିଭାଇରାଲ୍ ଡ୍ରଗ୍ ରିମେଡେସିଭର୍ ଉପରେ ଆଗ୍ରହ କରିଛନ୍ତି ।
ସପ୍ତାହ ପୂର୍ବରୁ, ଗିଲିଆଡ୍ ଅଣ-ସ୍ୱତନ୍ତ୍ର ସ୍ବେଚ୍ଛାକୃତ ଲାଇସେନ୍ସ ଚୁକ୍ତିନାମା ସ୍ୱାକ୍ଷର କରିଛି, ଭାରତ ଏବଂ ପାକିସ୍ଥାନରେ ଅବସ୍ଥିତ ପାଞ୍ଚଟି ଜେନେରିକ୍ ଫାର୍ମାସ୍ୟୁଟିକାଲ୍ ଉତ୍ପାଦକ ରିମଡେସିଭିର ଯୋଗାଣକୁ ଆହୁରି ବିସ୍ତାର କରିବାକୁ ଅଧିକାରୀ ଜଣଙ୍କ କହିଛନ୍ତି ।
