ହାଇକୋର୍ଟରେ ହାଇସିକ୍ୟୁରିଟି ନମ୍ବର ପ୍ଲେଟ୍ ମାମଲା, ମାସେ ବଢ଼ିଲା ଅବଧି

କଟକ: ହାଇକୋର୍ଟରେ HSRP ବା ହାଇ ସିକ୍ୟୁରିଟି ନମ୍ବର ପ୍ଲେଟ୍ ମାମଲାର ଶୁଣାଣି ହୋଇଛି । ଆଜିର ଶୁଣାଣି ବେଳେ ସରକାରଙ୍କ ପକ୍ଷରୁ ସତ୍ୟପାଠ ଦାଖଲ କରାଯାଇ କୁହାଯାଇଛି ଯେ ୧,୨,୩ ଏବଂ ୪ରେ ଶେଷ ହେଉଥିବା ନମ୍ବର ପାଇଁ ସରକାର ଆଉ ମାସେ ସମୟ ଘୁଞ୍ଚାଇଛନ୍ତି । ଫଳରେ ୧,୨,୩,୪ ଶେଷ ନମ୍ବର ପାଇଁ  ଡିସେମ୍ବର ୩୧ ଡେଡ୍ ଲାଇନ ଧାର୍ଯ୍ୟ ହୋଇଛି । ଏବେ ପ୍ରତିଦିନ ବୁକିଂ ସଂଖ୍ୟାକୁ ୨୫ ହଜାରରୁ ୫୭ ହଜାରକୁ ବୃଦ୍ଧି କରାଯାଇଛି । ତେବେ ଆଜି ଶୁଣାଣି ପରେ ହାଇକୋର୍ଟ ଏହି ମାମଲାର ଅନ୍ତ ଘଟାଇଛନ୍ତି । ଏହା ପରେ କୌଣସି ବୈଷୟିକ ଦିଗ ନେଇ ଆପତ୍ତି ଆସିଲେ, ଯେ କୌଣସି ଆବେଦନକାରୀ ହାଇକୋର୍ଟଙ୍କ ଦ୍ୱାରସ୍ଥ ହୋଇପାରିବେ ବୋଲି କୋର୍ଟ ନିର୍ଦ୍ଦେଶ ଦେଇଛନ୍ତି ।