BSKY ସାଜିଲା ବରଦାନ; ସୁସ୍ଥ ହୋଇ ଘରକୁ ଫେରିଲେ ମହିଳା, ମୁଖ୍ୟମନ୍ତ୍ରୀଙ୍କୁ ଜଣାଇଲେ ଧନ୍ୟବାଦ

ଭୁବନେଶ୍ୱର: ବିଏସକେୱାଇ ସାଜିଲା ବରଦାନ। ଭୁବନେଶ୍ୱରର ଏକ ଘରୋଇ ଡ଼ାକ୍ତରଖାନାରେ ମାଗଣାରେ ଟ୍ୟୁମର ଅପରେସନ ପରେ ସୁସ୍ଥ ହୋଇ ଘରକୁ ଫେରିଛନ୍ତି ରାଉରକେଲାର ଛେଣ୍ଡ କଳିଙ୍ଗ ବିହାର ଅଞ୍ଚଳରେ ରହୁଥିବା ୪୬ ଵର୍ଷୀୟ ବିଧବା ଯମୁନା ସାହୁ। ସେ ବିଜୁ ସ୍ଵାସ୍ଥ୍ୟ କଲ୍ୟାଣ ଯୋଜନାରେ ସୁସ୍ଥ ହୋଇଛନ୍ତି।

ସେପ୍ଟେମ୍ବର ୬ ତାରିଖରୁ ୧୧ ତାରିଖ ପର୍ଯ୍ୟନ୍ତ ଭୁବନେଶ୍ୱରର ଘରୋଇ ଡାକ୍ତରଖାନାରେ ରହି ଟ୍ୟୁମର ଅପରେସନ ହେବା ପରେ ସୁସ୍ଥ ହୋଇ ଘରକୁ ଫେରିଛନ୍ତି। ବିଜୁ ସ୍ଵାସ୍ଥ୍ୟ କଲ୍ୟାଣ କାର୍ଡ ଜରିଆରେ ମାଗଣାରେ ଅପରେସନ ହୋଇ ସୁସ୍ଥ ହେବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଛନ୍ତି ଯମୁନା।

ଆର୍ଥିକ ଅବସ୍ଥା ଖରାପ ଥିବାରୁ ଅପରେସନ କରି ସୁସ୍ଥ ହେବେ ବୋଲି ଯମୁନା ସାହୁ ଓ ତାଙ୍କ ପରିବାର ଲୋକ ଆଶା ରଖିନଥିଲେ। କିନ୍ତୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଯୋଗୁଁ ମାଗଣାରେ ଚିକିତ୍ସା ସୁବିଧା ପାଇ ସୁସ୍ଥ ହୋଇ ଘରକୁ ଫେରିବା ପରେ ଖୁସିରେ କାନ୍ଦି ପକାଇ ଯମୁନା ସାହୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଛନ୍ତି।