ନୂଆଦିଲ୍ଲୀ: କେନ୍ଦ୍ର ସରକାରୀ କର୍ମଚାରୀଙ୍କୁ ଦଶହରା ଭେଟି । ରାଜ୍ୟ ସରକାରଙ୍କ ପରେ କେନ୍ଦ୍ର ବଢ଼ାଇଲା ମହଙ୍ଗା ଭତ୍ତା । କେନ୍ଦ୍ର ସରକାରୀ କର୍ମଚାରୀଙ୍କ ମହଙ୍ଗା ଭତ୍ତା ୪ ପ୍ରତିଶତ ବଢ଼ାଇବାକୁ କେନ୍ଦ୍ର କ୍ୟାବିନେଟ ବୈଠକରେ ନିଷ୍ପତ୍ତି ହୋଇଛି । ଡିଅରନେସ ଆଲାଉନ୍ସ ବା ଡିଏ ୪ ପ୍ରତିଶତ ବଢ଼ାଇ ୩୮ ପ୍ରତିଶତ କରିଦିଆଯାଇଛି । ଏହାକୁ ଗତ ଜୁଲାଇରୁ ପିଛିଲା ଭାବେ ଏହା ଲାଗୁ କରାଯିବ ବୋଲି ନିଷ୍ପତ୍ତି ହୋଇଛି । ଏହାଦ୍ବାରା ୫୦ ଲକ୍ଷ ସରକାରୀ କର୍ମଚାରୀ ଓ ୬୫ ଲକ୍ଷ ପେନସନ୍ ଉପଭୋକ୍ତା ଉପକୃତ ହେବେ । ପୂର୍ବରୁ ରାଜ୍ୟ ସରକାରୀ କର୍ମଚାରୀଙ୍କ ମହଙ୍ଗା ଭତ୍ତା ବଢ଼ାଇଥିଲେ ରାଜ୍ୟ ସରକାର ।