ରାଜ୍ଯରେ ଲ’ ଅଫିସରଙ୍କ ବଢିଲା ଦୈନିକ ଓ ରିଟେନର ଫି’

ଭୁବନେଶ୍ୱର: ରାଜ୍ଯରେ ଲ’ ଅଫିସରଙ୍କ ବଢିଲା ଦୈନିକ ଓ ରିଟେନର ଫି’। କାର୍ଯ୍ୟରତ ୧୮୪ ଅତିରିକ୍ତ ସରକାରୀ ଓକିଲଙ୍କ ଫି’ ୫୦% ବୃଦ୍ଧି କରିଛନ୍ତି ରାଜ୍ୟ ସରକାର। ଏହି ବର୍ଦ୍ଧିତ ଫିଜ୍ ଅନୁଯାୟୀ, ଅତିରିକ୍ତ ସରକାରୀ ଓକିଲମାନେ ଦୈନିକ ପାଉଣା ୧୨୫୦ ଟଙ୍କା ପାଉଥିବା ବେଳେ ବର୍ତ୍ତମାନ ୧୮୭୫ ଟଙ୍କା ପାଇବେ। ସେହିଭଳି ରିଟେନର ଫିଜ୍ ପୂର୍ବରୁ ୮ ହଜାର ୨୦୦ ଟଙ୍କା ପାଉଥିବାବେଳେ ବର୍ତ୍ତମାନ ୧୨ ହଜାର ୩୦୦ ଟଙ୍କା ପାଇବେ।

ସେହିଭଳି କାର୍ଯ୍ୟରତ ୭୪୦ ଜଣ ସହକାରୀ ସରକାରୀ ଓକିଲମାନେ ମାନେ ପୂର୍ବରୁ ଦୈନିକ ଫିଜ୍ ବାବଦକୁ ୧୧୦୦ ଟଙ୍କା ପାଉଥିବା ବେଳେ ବର୍ତ୍ତମାନ ୧୬୫୦ ଟଙ୍କା ପାଇବେ। ରିଟେନର ଫିଜ୍ ବାବଦକୁ ପୂର୍ବରୁ ୪ ହଜାର ଟଙ୍କା ପାଉଥିବା ବେଳେ ବର୍ତ୍ତମାନ ୬ ହଜାର ଟଙ୍କା ପାଇବେ। ୮୫ ଜଣ ସ୍ଵତନ୍ତ୍ର ସରକାରୀ ଓକିଲମାନେ ପୂର୍ବରୁ ଡେଲି ଫିଜ୍ ବାବଦରେ ୧୨୫୦ ଟଙ୍କା ପାଉଥିବା ବେଳେ ବର୍ତ୍ତମାନ ୧୮୭୫ ଟଙ୍କା ପାଇବେ। ରିଟେନର ଫିଜ୍ ବାବଦରେ ପୂର୍ବରୁ ୮ ହଜାର ୨୦୦ ଟଙ୍କା ପାଉଥିବା ବେଳେ ବର୍ତ୍ତମାନ ୧୨ ହଜାର ୩୦୦ ଟଙ୍କା ପାଇବେ। କାର୍ଯ୍ୟରତ ୨୯ ଜଣ ସରକାରୀ ପ୍ଲିଡର ଏବଂ ୧୧୩ ଜଣ ସହକାରୀ ସରକାରୀ ପ୍ଲିଡର ପୂର୍ବରୁ ରିଟେନର ଫିଜ୍ ବାବଦରେ ୮ ହଜାର ୨୦୦ ଟଙ୍କା ପାଉଥିବା ବେଳେ ବର୍ତ୍ତମାନ ୧୨ ହଜାର ୩୦୦ ଟଙ୍କା ପାଇବ। ଏହା ଦ୍ୱାରା ବିଭିନ୍ନ ଅଦାଲତରେ କାର୍ଯ୍ୟରତ ୧୨୧୫ ଜଣ ଆଇନ ଅଧିକାରୀ ଉପକୃତ ହେବେ।