ନୂଆଦିଲ୍ଲୀ: କରୋନା ସଂକ୍ରମଣ କମିଥିଲେ ମଧ୍ୟ ଭୟ ଏବେ ବି ଲାଗି ରହିଛି। କାରଣ ସଂକ୍ରଣ ପ୍ରତି ସମୟର ତାର ଅଲଗା ଏକ ରୂପ ଧାରଣ କରୁଛି। କରୋନା ସଂକ୍ରମଣକୁ ରୋକିବା ପାଇଁ କେବଳ ଟିକା ହିଁ ଧିଲା ଏକମାତ୍ର ଉପାୟ। କିନ୍ତୁ ଏବେ ଟିକା ବି ଫେଲ ମାରିବାକୁ ଲାଗିଲାଣି। ଟିକାର ଡବଲ ଡୋଜ୍ ନେବା ପରେ ମଧ୍ୟ କମୁନି କରୋନା ସଂକ୍ରମଣ। ଡବଲ ଡୋଜ ନେବା ପରେ ବି ବଢୁଛି କରୋନା ସଂକ୍ରମଣ ଭୟ। ଏଥିପାଇଁ ଆମେରିକାରେ ବୁଷ୍ଟର ଡୋଜ ଦେବା ପାଇଁ ଘୋଷଣା କରିଛନ୍ତି ସରକାର।
ସେପ୍ଟେମ୍ବର ୨୦ରୁ ସମସ୍ତ ଆମେରିକାବାସୀ ବୁଷ୍ଟର ଡୋଜ ନେବେ। ଯେଉଁମାନେ ଦୁଇଟି ଯାକ ଡୋଜ ନେଇଛନ୍ତି ସେମାନଙ୍କୁ ପ୍ରାଥମିକତା ଦୃଷ୍ଟିରୁ ବୁଷ୍ଟର ଡୋଜ ଦିଆଯିବ। ଆମେରିକାରେ କରୋନାର ଡେଲଟା ଭ୍ୟାରିଏଣ୍ଟ ଯୋଗୁଁ ଅଧିକ ଲୋକ ସଂକ୍ରମିତ ହେଉଛନ୍ତି। ଡବଲ ଡୋଜ ନେବା ପରେ ବି ଲୋକେ ଗୁରୁତର ହୋଇ ମେଡିକାଲରେ ଭର୍ତ୍ତି ହେଉଛନ୍ତି।
ଯାହାକୁ ନେଇ ଆମେରିକା ସରକାର ଏଭଳି ନିଷ୍ପତ୍ତି ନେଇଛନ୍ତି। ପୂର୍ବରୁ ବୁଷ୍ଟର ଡୋଜ ନେଇ ବିଶ୍ୱ ସ୍ୱାସ୍ଥ୍ୟ ସଂଗଠନ ପକ୍ଷରୁ ପରାମର୍ଶ ଦିଆଯାଇଥିଲା। ଯେଉଁ ଦେଶ ଚାହିଁବେ ସେମାନେ ବୁଷ୍ଟର ଡୋଜ ଦେଇପାରିବେ ବୋଲି ଡବ୍ଲୁଏଚଓ ପକ୍ଷରୁ କୁହାଯାଇଥିଲା।
