ଫେବ୍ରୁଆରୀ ୧୫ ଯାଏ ବଢିଲା ଟୋଲ୍‌ ଆଦାୟ ସମୟ ସୀମା

1 min read

ନୂଆଦିଲ୍ଲୀ: ଫାସ୍‌ଟାଗ ମାଧ୍ୟମରେ ଟୋଲ୍‌ ଆଦାୟ ସମୟ ସୀମାକୁ ବୃଦ୍ଧି କରିଛନ୍ତି ଜାତୀୟ ରାଜପଥ କର୍ତ୍ତୃପକ୍ଷ। ଆସନ୍ତା ଫେବୃଆରୀ ୧୫ ଯାଏଁ ଏହାର ସମୟ ସୀମାକୁ ବଢ଼ାଇ ଦିଆଯାଇଛି ।

ପୂର୍ବରୁ ଜାନୁଆରୀ ୧ ସୁଦ୍ଧା ସବୁ ଟୋଲ୍‌ ପ୍ଲାଜାରୁ ଫାସ୍‌ଟାଗ ଯୋଗେ ଶହେ ପ୍ରତିଶତ ଟୋଲ୍ ଆଦାୟ ପାଇଁ କୁହାଯାଇଥିଲା । ବର୍ତ୍ତମାନ ସମୟରେ ୭୫ରୁ ୮୦ ପ୍ରତିଶତ ଟୋଲ୍ ଫାସଟାଗ୍‌ ଯୋଗେ ଆଦାୟ କରାଯାଉଛି। ଟୋଲ୍‌ ଆଦାୟକୁ ସମ୍ପୂର୍ଣ୍ଣ ଅନ୍‌ଲାଇନ କରିବାକୁ ସଡ଼କ ପରିବହନ ଓ ରାଜପଥ ମନ୍ତ୍ରଣାଳୟ ନିର୍ଦ୍ଦେଶ ଦେଇଛନ୍ତି ।

ତେବେ ନଗଦ ଟଙ୍କା ଦେଣନେଣକୁ କମ୍ କରିବା ପାଇଁ ମନ୍ତ୍ରଣାଳୟ ଏଭଳି ନିଷ୍ପତ୍ତି ନେଇଥିବା ସୂଚନା ମିଳିଛି। ଆସନ୍ତା ଫେବୃଆରୀ ୧୫ ତାରିଖରୁ ଏହି ନିର୍ଦ୍ଦେଶ କଡ଼ାକଡ଼ି ପାଳନ କରାଯିବ । ଏଥିସହିତ ଫାସ୍‌ଟାଗ ଥିବା ଗାଡ଼ି ଗୁଡ଼ିକୁ ଟୋଲ୍‌ଗେଟ୍‌ରେ ଦୁଇ ଗୁଣା ଅର୍ଥ ଦେବାକୁ ହେବ।

ସୂଚନାଯୋଗ୍ୟ, ସାରା ଦେଶରେ ଫାସଟାଗର ଆରମ୍ଭ ୨୦୧୬ ମସିହାରୁ ହୋଇଥିଲା । ସେସମୟରେ ସାମୁହିକ ଭାବେ ୪ଟି ବ୍ୟାଙ୍କ ଏକ ଲକ୍ଷ ଟ୍ୟାଗ୍ ଜାରି କରିଥିଲେ । ଯାହା ପରେ ୨୦୧୭ରେ ୭ ଲକ୍ଷ ଓ ୨୦୧୮ରେ ୩୪ ଲକ୍ଷ ଫାସଟାଗ୍ ଜାରି କରାଯାଇଥିଲା ।

Opn Commnet Area

Leave a Reply

Your email address will not be published. Required fields are marked *

Close Bitnami banner