SCB ମେଡିକାଲ କଲେଜର ଅଚଳ ଭେଣ୍ଟିଲେଟର ନେଇ ଆପତ୍ତି ଉଠାଇଲେ ଗୌତମ ବୁଦ୍ଧ ଦାସ

ନନ୍ଦିଘୋଷ ବ୍ୟୁରୋ: ଶୂନ୍ୟକାଳରେ SCB ମେଡିକାଲ କଲେଜର ଅଚଳ ଭେଣ୍ଟିଲେଟର ନେଇ ଆପତ୍ତି ଉଠାଇଲେ ବିଜେଡି ବିଧାୟକ ଗୌତମ ବୁଦ୍ଧ ଦାସ । କୋଭିଡ ସମୟରେ SCB ମେଡିକାଲକୁ କେନ୍ଦ୍ର ସରକାର ୫୦ଟି ଭେଣ୍ଟିଲେଟର ଯୋଗାଇ ଥିଲେ । ଏଥିରୁ ୪୪ଟି ମେଡିସିନ ବିଭାଗ ପାଇଁ ଓ ଅବଶିଷ୍ଟ ୬ଟିକୁ ଅନ୍ୟ ବିଭାଗକୁ ଦିଆଯାଇଥିଲା । ହେଲେ ଏହାକୁ ୧୦ ଥର ଏକ ଘରୋଇ ସଂସ୍ଥା ସଜାଡ଼ିବା ପରେ ବି ଅଚଳ ହୋଇ ପଡିରହିଛି । ଏପରି ସ୍ଥିତିରେ ଗୌତମ ପ୍ରଶ୍ନ କରିଛନ୍ତି, ସରକାର କଣ ରୋଗୀଙ୍କ ଜୀବନ ସହ ଖେଳୁଛନ୍ତି ? ଏହାକୁ ସ୍ୱାସ୍ଥ୍ୟ ମନ୍ତ୍ରୀ ଗୁରୁତର ସହ ନେବାକୁ ଦାବି କରିଛନ୍ତି ଗୌତମ । ପୂର୍ବ ନବୀନ ସରକାର ୪ହଜାର ୫ଶହ କୋଟି ଦେଇ SCB ନବୀକରଣ କାମ ଆରମ୍ଭ କରିଥିଲେ । ଏହାକୁ AIIMS ପ୍ଲୁସ କରିବାକୁ ଲକ୍ଷ୍ୟ ରଖାଯାଇଥିଲା । ହେଲେ ଏବେ ଅଚଳାବସ୍ଥାରେ ୬୦ ଭେଣ୍ଟିଲେଟର । ନୂଆ ଭେଣ୍ଟିଲେଟର ଅଣାଯାଉ ରୋଗୀଙ୍କ ଜୀବନ ସହିତ ଖେଳା ନଯାଉ ବୋଲି କହିଛନ୍ତି ବିଜେଡି ବିଧାୟକ ଗୌତମ ବୁଦ୍ଧ ଦାସ।