ଚର୍ଚ୍ଚାରେ ବଲିଉଡ ଖଳନାୟକଙ୍କ ସୁନ୍ଦରୀ ଝିଅ
1 min read
ମୁମ୍ବାଇ: ପରଦାରେ ଦେଖିବାକୁ ଖୁବ ଭୟଙ୍କର । କାରଣ ସେମାନେ ଖଳନାୟକ । କିନ୍ତୁ ସେହିମାନେ ହିଁ ସିନେମାରେ ନାୟକର ଭୂମିକାକୁ ଗୁରୁତ୍ୱ ଦେବାରେ ଏକ ପ୍ରମୁଖ ଭୂମିକା ଗ୍ରହଣ କରିଥାନ୍ତି । ସେମାନଙ୍କର ଭିଲେନିୟସ ଡାଏଲଗ୍ଏବଂ ଆକ୍ଟିଂର ଯାଦୁ ଆଉ ତା ସାଙ୍ଗକୁ ବେଶ ପୋଷାକ ଦର୍ଶକଙ୍କ ହୃଦୟରେ ଏକ ସ୍ମୃତି ଛାଡ଼ିଯାଏ। ଠିକ୍ଯେମିତି ଗବର ଏବଂ ସକଲ । କିନ୍ତୁ ପରଦାରେ ଦେଖିବାକୁ ଭୟଙ୍କର ହୋଇଥିଲେ ମଧ୍ୟ ବାସ୍ତବ ଜୀବନରେ ସେମାନେ ସମ୍ପୂର୍ଣ୍ଣ ଓଲଟା ।
ଆଜି ଆମେ ଆପଣଙ୍କୁ ବି-ଟାଉନର ଟପ୍ଆଇକନିକ ଭିଲେନ ଏବଂ ସେମାନଙ୍କର ସୁନ୍ଦରୀ ଝିଅ ମାନଙ୍କ ବିଷୟରେ ଜଣାଇବୁ ।
ଅଭିନେତା ରଞ୍ଜିତ୍:
କ୍ୟାରେକ୍ଟର ରୋଲ ପାଇଁ ବେଶ୍ପରିଚିତ ରଞ୍ଜିତ୍। ପ୍ରାୟ ୨୦୦ରୁ ଅଧିକ ଫିଲ୍ମରେ ତାଙ୍କୁ ଭିଲେନ ଚରିତ୍ରରେ ଦେଖିବାକୁ ମିଳିଛି । ତାଙ୍କ ଝିଅ ଦିବ୍ୟାଙ୍କା ଜଣେ ସଫଳ ଜ୍ୱେଲରୀ ଡିଜାଇନର । ଏକାଧିକ ପ୍ରତିଭାର ଅଧିକାରୀ ଦିବ୍ୟାଙ୍କା କେବଳଯେ ଜ୍ୱେଲରୀ ଡିଜାଇନର ତାହା ନୁହେଁ ବରଂ ସେ ରକ୍କ୍ଲାଇମ୍ବିଂରେ ମଧ୍ୟ ବେଶ୍ଧୁରନ୍ଧର । ଏଥିପାଇଁ ସେ ଦେଶରେ ଏକ ପରିଚିତ ଚେହେରା । ଏହା ସହିତ ମ୍ୟୁଜିକ୍ମଧ୍ୟ ତାଙ୍କର ବେଶ୍ପସନ୍ଦ ।
କୂଳଭୂଷଣ:
କୂଳଭୂଷଣ ଖରବନ୍ଦା ବଲିଉଡର ଜଣେ ଲୋକପ୍ରିୟ ଭିଲେନ ଚରିତ୍ର । ତାଙ୍କ ଝିଅ ଶୃତି ଖରବନ୍ଦା ପ୍ରୋଫେସନରେ ଜଣେ ଜ୍ୱେଲରୀ ଡିଜାଇନର । ଶୃତି ସୋଶଲ ମିଡିଆରେ ଖୁବ ଆକ୍ଟିଭ୍। ଅଧିକାଂଶ ସମୟରେ ସେ ତାଙ୍କ ଫଟୋ ସୋଶଲ ସାଇଟରେ ଶେୟାର କରିଥାନ୍ତି ।
ମ୍ୟାକ୍ମୋହନ:
ସୋଲେ ଚଳଚ୍ଚିତ୍ରରେ ସାମ୍ଭା ଚରିତ୍ର ପାଇଁ ମନେ ପଡ଼ନ୍ତି ମ୍ୟାକ୍ ମୋହନ । ତାଙ୍କର ଦୁଇ ଝିଅ ବଲିଉଡରେ ଏକ ଫିଚର ଫିଲ୍ମ ମାଧ୍ୟମରେ ପାଦ ଥାପିବା ପାଇଁ ପ୍ରସ୍ତୁତ ହୋଇ ସାରିଲେଣି ।
ଡ୍ୟାନି:
ବଲିଉଡରେ ଚାରି ଦଶନ୍ଧି ଧରି ରାଜ୍କରିଛନ୍ତି ପଦ୍ମଶ୍ରୀ ପୁରସ୍କୃତ ଡ୍ୟାନି । ଭିଲେନ ନା କହିଲେ ସାମ୍ନାକୁ ଚାଲିଆସେ ଏହି ପ୍ରସିଦ୍ଧ ଅଭିନେତାଙ୍କ ଚେହେରା । ସିକିମର ଜଣେ ରାଜକୁମାରୀକୁ ବିବାହ କରିଛନ୍ତି ଡ୍ୟାନି । ତାଙ୍କ ଝିଅ ପେମା ଦେଖିବାକୁ ଖୁବ ସୁନ୍ଦର ହୋଇଥିଲେ ମଧ୍ୟ ଲାଇମଲାଇଟ ଠାରୁ ନିଜକୁ ଦୂରେଇ ରଖିଛନ୍ତି ।
ଶକ୍ତି କପୂର:
ସିନେମାରେ ସେ ହେଉଛନ୍ତି କ୍ରାଇମ ମାଷ୍ଟର । ତାଙ୍କ ଭଳି ତାଙ୍କ ଝିଅ ଶ୍ରଦ୍ଧା କପୂର ମଧ୍ୟ ଖୁବ ଟ୍ୟାଲେଣ୍ଟେଡ । ବଲିଉଡର ସୁନ୍ଦରୀ ଅଭିନେତ୍ରୀଙ୍କ ମଧ୍ୟରୁ ସେ ଜଣେ ।
ପ୍ରେମ୍ଚୋପ୍ରା:ଏକାଧିକ ହିନ୍ଦୀ ଚଳଚ୍ଚିତ୍ରରେ ଭିଲେନ ରୂପରେ ନଜର ଆସିଛନ୍ତି ପ୍ରେମ ଚୋପ୍ରା । ତାଙ୍କର ତିନି ଝିଅ କୌଣସି ହିରୋଇନଙ୍କ ଠାରୁ କମ୍ନୁହଁନ୍ତି । ତାଙ୍କ ବଡ଼ ଝିଅ ରତିକା ସ୍କ୍ରିନ ରାଇଟର ଏବଂ ପବ୍ଲିସିଟି ଡିଜାଇନର ରାହୁଲ ନନ୍ଦାଙ୍କୁ ବିବାହ କରିଥିବା ବେଳେ ଦ୍ୱିତୀୟ ଝିଅ ପୁନିତା ସିଙ୍ଗର ଏବଂ ଟିଭି ଆକ୍ଟର ବିକାଶ ଭଲ୍ଲାଙ୍କୁ ବିବାହ କରିଛନ୍ତି । ଖାଲି ସେତିକି ନୁହେଁ ତାଙ୍କ ସାନ ଝିଅ ପ୍ରେରଣା ବଲିଉଡର ଲୋକପ୍ରିୟ ଅଭିନେତା ଶରମନ ଯୋଶୀଙ୍କୁ ବିବାହ କରିଛନ୍ତି ।
ରାଜ୍ବବର:
ପ୍ରସିଦ୍ଧ ଅଭିନେତା ଓ ରାଜନେତା ରାଜ୍ବବରଙ୍କ ଝିଅ ଜୁହି ଦେଖିବାକୁ କୌଣସି ଅଭିନେତ୍ରୀଙ୍କ ଠାରୁ କମ୍ନୁହଁନ୍ତି । ଜୁହି ବବର ଟିଭି ଅଭିନେତା ଅନୁପ ସୋନିଙ୍କୁ ବିବାହ କରିଛନ୍ତି ।
ନସିରୁଦ୍ଦିନ:
୧୦୦ରୁ ଅଧିକ ଫିଲ୍ମରେ କାମ କରିଥିଲେ ମଧ୍ୟ ମିର୍ଚ ମସାଲାରେ ନସିରୁଦ୍ଦିନଙ୍କ ଅଭିନୟକୁ ମନେ ପକାଯାଏ । ତାଙ୍କର ଜ୍ୱଳନ୍ତ ଅଭିନୟ ଦର୍ଶକଙ୍କୁ ମୁଗ୍ଧ କରିଛି । ତାଙ୍କ ଝିଅ ହିବା ମଧ୍ୟ ତାଙ୍କ ଭଳି ଖୁବ ଟ୍ୟାଲେଣ୍ଟେଡ । ଥିଏଟର ଜଗତରେ ସେ ସୃଷ୍ଟି କରିଛନ୍ତି ଏକ ଭିନ୍ନ ପରିଚୟ ।
