ସୁନା ଦୋକାନୀଙ୍କୁ ଗୁଳିମାଡ

କାକଟପୁର : କାକଟପୁରରେ ଜୁଏଲାରୀ ଦୋକାନୀଙ୍କୁ ଗୁଳି । କୁଣ୍ଢେଇ ବଜାର ସାହୁ ଜୁଏଲାରୀ ମାଲିକ ନିରଞ୍ଜନ ସାହୁଙ୍କୁ ଦୁଇ ରାଉଣ୍ଡ ଗୁଳିମାଡ଼ ହୋଇଛି । ନିରଞ୍ଜନଙ୍କ ପିଠିରେ ଗୁଳି ବାଜିଥିବା ସୂଚନା ମିଳିଛି । ତାଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଥିବାବେଳେ ଅଭିଯୁକ୍ତ ଘଟଣାସ୍ଥଳରୁ ଫେରାର ହୋଇଯାଇଛନ୍ତି । ଗୁରୁତର ନିରଞ୍ଜନଙ୍କ କହିବା ଅନୁସାରେ, ଦୁଇ ମୁଖା ପିନ୍ଧା ଦୁର୍ବୃତ୍ତ ଆସି ଫାୟାରିଂ କରି ବାଇକ ଛାଡ଼ି ପଳାଇଯାଇଛନ୍ତି । ସୁନା ଲୁଟ ଉଦ୍ଦେଶ୍ଯରେ ଗୁଳିମାଡ଼ ହୋଇଥିବା ସନ୍ଦେହ କରାଯାଉଛି । ପୋଲିସ ଘଟଣାସ୍ଥଳରେ ପହଞ୍ଚି ସିସିଟିଭି ଯାଞ୍ଚ କରି ତଦନ୍ତ କରୁଛି ।