ବ୍ରହ୍ମପୁର ବିଶ୍ବବିଦ୍ଯାଳୟ ସାମ୍ବାଦିକ ଓ ଗଣ ଯୋଗାଯୋଗ ବିଭାଗର ସ୍ବର୍ଣ୍ଣ ଜୟନ୍ତୀ

ବ୍ରହ୍ମପୁର: ବ୍ରହ୍ମପୁର ବିଶ୍ବବିଦ୍ଯାଳୟ ସାମ୍ବାଦିକ ଓ ଗଣ ଯୋଗାଯୋଗ ବିଭାଗର ସ୍ବର୍ଣ୍ଣ ଜୟନ୍ତୀ । ଏହି ଅବସରରେ ଗଣ ଯୋଗାଯୋଗ ଶିକ୍ଷାକ୍ଷେତ୍ରରେ ଦୀର୍ଘ ୫୦ ବର୍ଷର ଗରିମାମୟ ଇତିହାସକୁ ନେଇ ଏକ ଅର୍ନ୍ତଜାତୀୟ ସମ୍ମିଳନୀ ଓ ପୂର୍ବ ଛାତ୍ରଛାତ୍ରୀମାନଙ୍କର ସମାବେଶର ଆୟୋଜନ କରାଯାଇଥିଲା । ୧୬ ତାରିଖ ପର୍ଯ୍ୟନ୍ତ ହେବାକୁ ଥିବା ଏହି କାର୍ଯ୍ୟକ୍ରମରେ ଦେଶ ବିଦେଶରୁ ବିଭିନ୍ନ ଅତିଥି, ଶିକ୍ଷାବିତ୍ ଓ ପୂର୍ବତନ ଛାତ୍ରଛାତ୍ରୀ ପ୍ରତ୍ୟକ୍ଷ ଓ ପରୋକ୍ଷ ଭାବରେ ଯୋଗ ଦେଉଛନ୍ତି ।

୫୦ ବର୍ଷ ପୂର୍ତ୍ତି ଅବସରରେ ଉଦଘାଟିତ ହୋଇଛି ସ୍ବର୍ଣ୍ଣିମ ଜୟନ୍ତୀ ସମାରୋହ ଓ ‘ଦୋଛକିରେ ଗଣମାଧ୍ୟମ’ ଶୀର୍ଷକ ଅନ୍ତର୍ଜାତୀୟ ସମ୍ମିଳନୀ । ଉଦଘାଟନୀ କାର୍ଯ୍ଯକ୍ରମରେ ଇଷ୍ଟର୍ଣ୍ଣ ମିଡିଆର ଅଧ୍ଯକ୍ଷ ତଥା ପରିଚାଳନା ନିର୍ଦ୍ଦେଶକ ସୌମ୍ୟ ରଞ୍ଜନ ପଟ୍ଟନାୟକ ଯୋଗଦେଇଥିଲେ । କୁଳପତି ପ୍ରଫେସର ଗୀତାଞ୍ଜଳି ଦାସଙ୍କ ପୌରହିତ୍ଯରେ ଆଯୋଜିତ କାର୍ଯ୍ୟକ୍ରମରେ ମୁଖ୍ୟବକ୍ତା ଭାବେ ବିଶିଷ୍ଟ ଗଣମାଧ୍ୟମ ବିଷାରଦ ବି.ପି. ସଞ୍ଜୟ, ସମ୍ମାନିତ ଅତିଥି ଭାବେ ସାମିଲ ହୋଇଥିଲେ ।

୧୬ ତାରିଖ ପର୍ଯ୍ୟନ୍ତ ହେବାକୁ ଥିବା ଏହି କାର୍ଯ୍ୟକ୍ରମରେ ଦେଶ ବିଦେଶରୁ ବିଭିନ୍ନ ଅତିଥି, ଶିକ୍ଷାବିତ୍ ଓ ପୂର୍ବତନ ଛାତ୍ରଛାତ୍ରୀ ପ୍ରତ୍ୟକ୍ଷ ଓ ପରୋକ୍ଷ ଭାବରେ ଯୋଗ ଦେଇଛନ୍ତି । ଏହି ଅବସରରେ ବିଭାଗର ସ୍ବର୍ଣ୍ଣିମ ଜୟନ୍ତୀ ଲୋଗୋ ଓ ଆନ୍ତର୍ଜାତିକ ସ୍ମରଣିକା ଉନ୍ମୋଚନ କରାଯାଇଥିଲା । ସ୍ନାତକୋତ୍ତର ପରିଷଦ ଅଧ୍ୟକ୍ଷ ସୁକାନ୍ତ କୁମାର ତ୍ରିପାଠୀ, କୁଳ ସଚିବ ସଚିଦାନନ୍ଦ ନାୟକ, ସଂଯୋଜକ ପ୍ରଫେସର ଗଣେଶ ସେଠୀ, ବିଭାଗୀୟ ମୁଖ୍ଯ ବନ୍ଦିତା କୁମାରୀ ପଣ୍ଡା ଓ ପୂର୍ବତନ ଛାତ୍ର ସଂସଦ ସଭାପତି ପ୍ରଫେସର ଜାମୁଲା ଶେଷଗିରି, ଉପସଭାପତି ହୃଷିକେଶ ପାଣିଗ୍ରାହୀ ପ୍ରମୁଖ ଯୋଗ ଦେଇଥିଲେ ।

କାର୍ଯ୍ଯକ୍ରମରେ ୫୦ ବର୍ଷର ଛାତ୍ରଛାତ୍ରୀଙ୍କ ଉପସ୍ଥିତି ସାଙ୍ଗକୁ ପରିଷଦ ମଧ୍ଯରେ ଭାବ ଆଦାନ ପ୍ରଦାନ ସହ ବିଭିନ୍ନ କାର୍ଯ୍ଯକ୍ରମ କରାଯାଇଥିଲା । ସହ ପ୍ରାଧ୍ଯାପକ ଜୟନ୍ତ କୁମାର ପଣ୍ଡା ଧନ୍ଯବାଦ ଅର୍ପଣ କରିଥିଲେ ।