କରୋନା, ଆମେରିକା-ଚୀନ୍ ବିବାଦ ପାଇଁ ମହଙ୍ଗା ହେଉଛି ଆପଣଙ୍କ ସୁନା !

ନୂଆଦିଲ୍ଲୀ: ଅନ୍ତରାଷ୍ଟ୍ରୀୟ ବଜାର ମଜବୁତ୍ ହେବା କାରଣରୁ ସୁନା ଦର୍ ରେକର୍ଡ ଭାଙ୍ଗିଛି । ଫ୍ୟୁଚର ବଜାରରେ ସୁନା ଦର ୧୦ଗ୍ରାମ ପ୍ରତି ୫୧,୮୩୩ଟଙ୍କା ରହିଛି । ଏହାସହ ରୂପା ଦର ମଧ୍ୟ ବଢି କିଲୋଗ୍ରାମ ପ୍ରତି ୬୪, ୮୯୬ଟଙ୍କା ପର୍ଯ୍ୟନ୍ତ ପହଞ୍ଚିଛି । ଯଦିଓ  ବଜାରରେ ସୁନା ଦର ୫୧ହଜାର ତଳେ ରହିଛି ।

ମଲ୍ଟି କମେଡିଟି ଏକ୍ସଚେଞ୍ଜରେ ସୁନା ୭୮୫ ଟଙ୍କା ବୃଦ୍ଧି ପାଇ ସୋମବାର ୧୦ ଗ୍ରାମ ପିଛା ୫୧,୮୨୦ ଟଙ୍କାରେ ପହଞ୍ଚିଛି। କେବଳ ଏତିକି ନୁହେଁ, ଅଗଷ୍ଟରେ ସୁନା ଫ୍ୟୁଚର ଡିଲ୍ ଅର୍ଥାତ୍ ଅଗଷ୍ଟରେ ୧୦ ଗ୍ରାମ ପିଛା ୫୧,୮୩୩ ଟଙ୍କାରେ ରେକର୍ଡ କରାଯାଇଛି । ସେହିଭଳି ସେପ୍ଟେମ୍ବରରେ ରୂପା ଫ୍ୟୁଚର ୩,୫୪୭ ଟଙ୍କା ବୃଦ୍ଧି ପାଇ ପ୍ରତି କିଲୋଗ୍ରାମରେ ୬୪,୭୭୦ ଟଙ୍କା ହୋଇଛି ।

ସ୍ପଟ୍ ବଜାର ହାର

ସୋମବାର ଦିନ ୨୪ କ୍ୟାରେଟ୍ ସୁନା ଦର ଦିଲ୍ଲୀର ସ୍ପଟ୍ ବଜାରରେ ୧୦ ଗ୍ରାମ ପିଛା ୫୦,୯୨୦ ଟଙ୍କା, ଚେନ୍ନାଇରେ ୧୦ ଗ୍ରାମ ପିଛା ୫୩,୪୯୦ ଟଙ୍କା ଏବଂ ମୁମ୍ବାଇରେ ୧୦ ଗ୍ରାମ ପିଛା ୫୦,୯୨୦ ଟଙ୍କା ଥିଲା।

ଚୀନ୍ ଏବଂ ଆମେରିକା ମଧ୍ୟରେ ତିକ୍ତତା ବୃଦ୍ଧି ଯୋଗୁଁ ଅନ୍ତର୍ଜାତୀୟ ବଜାରରେ ସୁନା ଓ ରୂପା ଦର ବଢୁଛି । ତେଣୁ କରୋନା ସଙ୍କଟ ବଢୁଥିବାରୁ ନିବେଶକମାନେ ଏହି ସ୍ୱଳ୍ପ ବିପଦପୂର୍ଣ୍ଣ ମୂଲ୍ୟବାନ ଧାତୁରେ ବିନିଯୋଗ କରିବାକୁ ଆକର୍ଷିତ ହୋଇଛନ୍ତି । କମେକ୍ସ ଉପରେ ସୁନା ୦.୪ ପ୍ରତିଶତ ଗତିରେ ୧,୯୦୪ ଡଲାର ପ୍ରତି ଅଂଶରେ କାରବାର କରିଥିଲା ​ । ସେହିଭଳି ସ୍ପଟ୍ ସୁନା ୧.୫ ପ୍ରତିଶତ ବୃଦ୍ଧି ପାଇ ୧୯୨୮ ଡଲାର ପ୍ରତି ଅଂଶରେ କାରବାର କରିଥିଲା।

କ’ଣ କହୁଛନ୍ତି ବିଶେଷଜ୍ଞ ?

ନିକଟ ଭବିଷ୍ୟତରେ ସୁନା ଦର କଣ ରହିବ ସେ ସମ୍ପର୍କରେ ବିଶେଷଜ୍ଞ କହୁଛନ୍ତି ଯେ,  ଏହି ମୂଲ୍ୟବାନ ଧାତୁଗୁଡ଼ିକରେ ମୁଲ୍ୟବୃଦ୍ଧି ଆଗକୁ ଆହୁରି  ଜାରି ରହିବ । ସୁନା ବହୁଶିଘ୍ର ୫୨,୫୦୦ ଏବଂ ରୂପା ୬୬,୦୦୦ ସ୍ତରକୁ ଅତିକ୍ରମ କରିପାରେ ।