୬ ହଜାର ଟଙ୍କା ପର୍ଯ୍ୟନ୍ତ ଶସ୍ତା ହେଲାଣି ସୁନା, ଜାଣନ୍ତୁ କେବେ କିଣିଲେ ମିଳିବ ଅଧିକ ଫାଇଦା
ମୁମ୍ବାଇ: ବିଶ୍ୱ ବଜାର ଆଧାରରେ ଆଜି ଘରୋଇ ବଜାରରେ ସୁନା, ରୂପା ଦର ବୃଦ୍ଧି ପାଇଛି । ମଲ୍ଟି କମୋଡିଟି ଏକ୍ସଚେଞ୍ଜରେ ସୁନାର ମୂଲ୍ୟ ୦.୮ ପ୍ରତିଶତ ବଢ଼ି ୧୦ ଗ୍ରାମ୍ ପିଛା ୫୦ ହଜାର ୫୮୪ ଟଙ୍କାକୁ ବୃଦ୍ଧି ପାଇଛି । ରୂପା ମୂଲ୍ୟ ୧.୮ ପ୍ରତିଶତ ବୃଦ୍ଧି ପାଇଁ କେଜି ପିଛା ୬୧ ହଜାର ୬୦୫ ଟଙ୍କାରେ ପହଞ୍ଚିଛି । ଏହା ପୂର୍ବରୁ ସୁନା ଦର ୧୪୨ ଟଙ୍କା ଓ ରୂପା ୦.୧୭ ପଇସା ବୃଦ୍ଧି ଘଟିଥିଲା ।
ଅଗଷ୍ଟରେ ଉଚ୍ଚା ଥିଲା ଦାମ
ଚଳିତବର୍ଷ ଅଗଷ୍ଟରେ ସୁନା ଓ ରୂପା ମୂଲ୍ୟ ସର୍ବାଧିକ ଥିଲା । ଅଗଷ୍ଟରେ ୧୦ ଗ୍ରାମ ସୁନା ମୂଲ୍ୟ ୫୦ ହଜାର ୨୦୦ ଟଙ୍କା ଥିବାବେଳେ ୮୦ ହଜାର ଟଙ୍କାରେ ପହଞ୍ଚିଥିଲା ରୂପା । ସେପ୍ଟେମ୍ବର ମାସରେ ସୁନା ଓ ରୂପା ମୂଲ୍ୟ ହ୍ରାସ ପାଇଥିଲା । ଏହିପରି ଭାବେ ୧୦ ଗ୍ରାମ ସୁନା ଦାମରେ ୬ ହଜାର ଟଙ୍କା ଖସିଛି ।
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କରୋନା ଭାଇରସକୁ ପ୍ୟାକେଜ୍ କଥା କହିବା ପରେ ବିଶ୍ୱ ବଜାରରେ ସୁନା ଦର ସ୍ଥିର ଥିଲା । ଟ୍ରମ୍ପ କହିଥିଲେ ଆଶ୍ୱସ୍ତି ପ୍ୟାକେଜକୁ ନେଇ ଆଲୋଚନା ଆରମ୍ଭ ହୋଇଛି । ଡଲାର ଦୁର୍ବଳ ହେବା ଫଳରେ ସୁନା, ରୂପା ଦର କମିଥିଲା । ଲଗାତାର ଦ୍ୱିତୀୟ ସପ୍ତାହରେ ଡଲାର ଖସିବା ଯୋଗୁଁ ସୁନା ଦର କମିଛି ।
ବଢ଼ିପାରେ ସୁନା କିଣା
କୋଟାକ ସିକ୍ୟୁରିଟିଜ୍ ମୁତାବକ, ଆମେରିକା ଡଲାର ଖସିବା ବଢ଼ିବା ଓ ଇକ୍ୱିଟି ମାର୍କେଟରେ ହଲଚଲ ଯୋଗୁଁ ସୁନା ଦର ବଢ଼ିପାରେ, କମିପାରେ । ତେବେ, ସାଧାରଣ କ୍ଷେତ୍ରରେ ସୁନା କିଣିଲା ବେଳେ ଦର ବୃଦ୍ଧି ହୋଇପାରେ । ପ୍ରକୃତରେ ଡଲାର ଦୁର୍ବଳ ଥିବାରୁ ଆମେରିକା ଅର୍ଥବ୍ୟବସ୍ଥାକୁ ନେଇ ଅନିଶ୍ଚିତତା ଲାଗି ରହିବ ।
ସୁନା କିଣା କମାଇଲେ କେନ୍ଦ୍ରୀୟ ବ୍ୟାଙ୍କ
ଦୁନିଆର ପ୍ରାୟ କେନ୍ଦ୍ରୀୟ ବ୍ୟାଙ୍କ ସୁନା କିଣିବା କମାଇ ଦେଇଛନ୍ତି । ଏକ ତଥ୍ୟ ମୁତାବକ ଅଗଷ୍ଟରେ କେନ୍ଦ୍ରୀୟ ବ୍ୟାଙ୍କ କ୍ରୟଠାରୁ ଅଧିକା ସୁନା ବିକ୍ରି କରିଛନ୍ତି । ଏହା ପୂର୍ବ ଦେଢ଼ ବର୍ଷ ଯାଏଁ କେନ୍ଦ୍ରୀୟ ବ୍ୟାଙ୍କ ଲଗାତାର ସୁନା କିଣୁଥିଲେ । ସୁନା ଦର ବଢ଼ିବାର ଆଉ ଏକ କାରଣ ଏହା ହୋଇପାରେ ।
