ଜାଣନ୍ତୁ କେତେ ବଢ଼ିଲାଣି ସୁନା ଦର

ନୂଆଦିଲ୍ଲୀ: ଆସୁଛି ବିବାହ ଋତୁ । ବଢ଼ି ଚାଲିଛି ସୁନା ଦର । ୬୨ ହଜାର ଡେଇଁଲା ସୁନା ଦର । ଅକ୍ଟୋବରରେ ବଢିଲାଣି ୩୦୦୦ ଟଙ୍କା । ସମ୍ପ୍ରତି ସାରା ବିଶ୍ବର ପୁଞ୍ଜି ବଜାର ଅସ୍ଥିର ହୋଇପଡିଛି। ଏଭଳି ସମୟରେ କେଉଁଥିରେ ନିବେଶ କରିବେ ତାହା ଏବେ ନିବେଶକଙ୍କ ପାଇଁ ବଡ଼ ଚିନ୍ତାର ବିଷୟ। ଏହି ସାରା ବିଶ୍ବର ପୁଞ୍ଜି ବଜାର ଅସ୍ଥିର ହୋଇପଡିଛି । ଏହାମଧ୍ୟରେ ବଜାରରେ ସୁନା ମୂଲ୍ୟ ୧୦ ଗ୍ରାମ(୨୪ କ୍ୟାରେଟ୍) ପିଛା ୬୨ ହଜାର ଟପିଛି। ଆଜି କୋଲକାତାରେ ୨୪ କ୍ୟାରେଟ୍ ସୁନା ଦର ୬୨ ହଜାର ୭୦୫ ରହିଛି। ତେବେ ରୁପା ମୂଲ୍ୟ ମଧ୍ୟ କିଲୋ ପିଛା ୭୫, ୦୦୦ ଟଙ୍କା ଅତିକ୍ରମ କରିଯାଇଛି। ଯଦି ଆମେ ଅକ୍ଟୋବର ମାସ କଥା ବିଚାର କରିବା ତେବେ କେବଳ ଏହି ମାସରେ ବଜାରରେ ସୁନା ଦର ୩୦୦୦ ଟଙ୍କା ବୃଦ୍ଧି ପାଇଛି । ବିବାହ ଋତୁ ଆସୁଥିବାବେଳେ ଚିନ୍ତାରେ ରହିଛନ୍ତି ଗ୍ରାହକ । ନିୟମିତ ସୁନା ଦର ବଢ଼ୁଥିବାରୁ କିଭଳି ଭାବେ କିଣିବେ ତାକୁ ନେଇ ସାଧାରଣ ଲୋକଙ୍କ ମିଣ୍ଡ ବିନ୍ଧାର କାରଣ ପାଲଟିଛି ।