ଚନ୍ଦ୍ରଯାନର ସୁନା ମଡେଲ, ପ୍ରତିକୃତି ନିର୍ମାଣ ପାଇଁ ବ୍ୟବହାର ହୋଇଛି ୪ ଗ୍ରାମ ସୁନା

ନୂଆଦିଲ୍ଲୀ: ଚନ୍ଦ୍ରଯାନର ସୁନା ମଡେଲ । ଦେଢ଼ ଇଞ୍ଚର ପ୍ରତିକୃତି ନିର୍ମାଣ କରିଛନ୍ତି ତାମିଲନାଡୁ କୋଏମ୍ବାଟୁରର ଲଘୁ କାରିଗର ମରିଆପ୍ପାନ । ପ୍ରତିକୃତି ନିର୍ମାଣ ପାଇଁ ୪ ଗ୍ରାମ ସୁନା ବ୍ୟବହାର ହୋଇଛି । ଚନ୍ଦ୍ରଯାନର ମିନି ମଡେଲ ନିର୍ମାଣ ଲାଗି ୪୮ ଘଣ୍ଟା ସମୟ ଲାଗିଛି ବୋଲି ସେ କହିଛନ୍ତି । ଚନ୍ଦ୍ରଯାନ ପ୍ରୋଜେକ୍ଟରେ ସାମିଲ ସମସ୍ତ ବୈଜ୍ଞାନିକଙ୍କୁ କୃତଜ୍ଞତା ଜଣାଇବା ଉଦ୍ଦେଶ୍ୟରେ ଏହି ମଡେଲ ନିର୍ମାଣ କରାଯାଇଛି ବୋଲି କହିଛନ୍ତି ମରିଆପ୍ପାନ ।