କଥାରେ ବିଭ୍ର।ନ୍ତ କରି ଝାମ୍ପିନେଲେ ସୁନା ଚେନ୍
ବାଲିଅନ୍ତା: ଲୁଟେରାଙ୍କ ଟାର୍ଗେଟରେ ବରିଷ୍ଠ ନାଗରିକ। ଲକଡାଉନ ବେଳେ ବରିଷ୍ଠନାଗରିକଙ୍କୁ ଏକାକି ପାଇ ଲୁଟ କରୁଛନ୍ତି ଦୁର୍ବୃତ୍ତ । ଠିକଣା କିମ୍ବା ଭଲମନ୍ଦ ପଚାରିବା ବାହାନାରେ ଝାମ୍ପି ନେଉଛନ୍ତି ଚେନ୍ । ବାଲିଅନ୍ତା ଥାନା ପାଟଣାରେ ୫୫ ବର୍ଷିୟ ମୁରଲିଧର ପରିଡାଙ୍କୁ ସେହିପରି କଥାରେ ବିଭ୍ର।ନ୍ତ କରି ନିମିଷକେ ସୁନା ଚେନ୍ ଝାମ୍ପି ନେଇଥିଲେ ଲୁଟେରା । ସ୍ପିଡ୍ ବାଇକରେ ଆସି ୨ ଲୁଟେରା ଘଟାଇଛନ୍ତି ଏପରି କାଣ୍ଡ । ଏ ଦୃଶ୍ୟ ସିସିଟିଭିରେ କଏଦ ହୋଇଛି।
କିଛି ଦିନ ତଳେ ସମାନ ଢ଼ଙ୍ଗରେ ବାଲିଅନ୍ତା ଭିଙ୍ଗାରପୁର, ଡେରାସାହି, ପଦ୍ମପୁର ଓ ଗିରିଙ୍ଗୋରେ ଲୁଟ୍ ହୋଇଚାଲିଛି। ତେବେ ଲୁଟେରାଙ୍କୁ କାବୁ କରିବାରେ ପୋଲିସ ସଫଳ ହୋଇନି। ଲୁଟେରାଙ୍କୁ ପୋଲିସରେ ଦେଲେ ପରିଚୟ ଗୋପନ ରଖାଯିବା ସହ ପୁରସ୍କାର ଦିଆଯିବ ଓ ବୋଲି ଆଇଆଇସି ଲୋକଙ୍କ ଆହ୍ଵାନ ଦେଇଛନ୍ତି।
