Gold Price Hike: ପୁଣି ବଢ଼ିଲା ସୁନା ଦର, ଜାଣନ୍ତୁ କେତେ ରହିଛି ଦାମ

ପୁଣି ବଢ଼ିଲା ସୁନା ଦର । ବିଗତ କିଛି ଦିନ ହେବ ସୁନା ଦାମ କମିଥିବାବେଳେ ଉତ୍ତର ପ୍ରଦେଶରେ ମାର୍ଚ୍ଚ ୧୮ ତାରିକ ଗୁରୁବାର ପୁଣି ଥରେ ସୁନା ଦାମ ବଢ଼ିଥିବା ଦେଖିବାକୁ ମିଳିଛି । ସେହିପରି ରୂପା ଦାମ ମଧ୍ୟ ବୃଦ୍ଧି ପାଇଛି । ଲକ୍ଷ୍ନୌରେ ଗୁରୁବାର ୨୪ କ୍ୟାରେଟ ସୁନାର ଦାମ ୧୦ ଗ୍ରାମ ପିଛା ୪୭,୬୦୦ ଟଙ୍କା ଥିବାବେଳେ ୨୨ କ୍ୟାରେଟ ସୁନାର ଦାମ ୪୬,୧୦୦ ଟଙ୍କା ରହିଛି । ସେହିପରି ରୂପାର ଦାମ କିଲୋ ପ୍ରତି ୭୦୫୦୦ ଟଙ୍କା ରହିଛି ।

ସୂଚନା ଅନୁଯାୟୀ, ଏହାପୂର୍ବରୁ ସୋମବାର ତୁଳନାରେ ମଙ୍ଗଳବାର ୨୪ କ୍ୟାରେଟ ସୁନା ୧୦ ଗ୍ରାମ ପିଛା ୧୦୦ ଟଙ୍କା ମହଙ୍ଗା ହୋଇଥିଲା । ମଙ୍ଗଳବାର ୨୪ କ୍ୟାରେଟ ସୁନାର ଦାମ ୧୦ ଗ୍ରାମ ପିଛା ୪୭,୪୦୦ ଟଙ୍କା ରହିଥିଲା । ଏହା ପୂର୍ବ ସପ୍ତାହ ଆରମ୍ଭରେ ସୁନାର ଦାମ ୪୭,୩୦୦ ଟଙ୍କା ରହିଥିଲା । ସେହିପରି ୧୮ କ୍ୟାରେଟ ସୁନାର ଦାମ ୪୧,୮୦୦ ଟଙ୍କା ରହିଥିଲା । ଏ କିଲୋ ରୂପାର ଦାମ ମଙ୍ଗଳବାର ୬୯,୫୦୦ ଟଙ୍କା ରହିଥିଲା । ଗହଣାର ଏକ୍ସଚେଞ୍ଜ ରେଟ କହିବାକୁ ଗଲେ ୨୨ କ୍ୟାରେଟ ସୁନାର ଦାମ ୪୩,୯୦୦ ଏବଂ ୧୮ କ୍ୟାରେଟ ସୁନାର ଦାମ ୩୯,୮୦୦ ଟଙ୍କା ଥିଲା ।