ଗୋ-ଡାଡି ଉପରେ ସାଇବର ଆଟାକ୍, ୟୁଜର୍ସଙ୍କ ତଥ୍ୟ ଚୋରି ଅଭିଯୋଗ

ନୂଆଦିଲ୍ଲୀ: ଗୋ-ଡାଡି ଉପରେ ସାଇବର ଆଟାକ୍। ଇଣ୍ଟରନେଟ ଡୋମେନ ରେଜିଷ୍ଟ୍ରାର ବା ଓ୍ୱେବ ହୋଷ୍ଟିଂ ସାଇଟ୍ ଗୋ-ଡାଡି ୟୁଜର୍ସଙ୍କ ତଥ୍ୟ ଚୋରି ଅଭିଯୋଗ। ଏହି ସାଇଟର ପ୍ରାୟ ୧.୨ ମିଲିୟନ ଆକ୍ଟିଭ ଓ ଇନଆକ୍ଟିଭ ୟୁଜର୍ସ ରହିଥିବା ବେଳେ ସାଇବର ଆଟାକ ଯୋଗେ ବ୍ୟକ୍ତିଗତ ତଥ୍ୟ ଚୋରି ହୋଇଥିବା ଅଭିଯୋଗ ହୋଇଛି।

ଥାର୍ଡ ପାର୍ଟି ଓ୍ୱାଡ ପ୍ରେସ୍ ଜରିଆରେ ୟୁଜର୍ସଙ୍କ ଆକାଉଣ୍ଟ ପରିଚାଳନା କରାଯାଉଥିବା ବେଳେ ଇମେଲ ଆଇଡି, ମୋବାଇଲ ନମ୍ବର ଓ ଅନ୍ୟ ତଥ୍ୟ ଲିକ୍ ହୋଇଛି ବୋଲି କମ୍ପାନୀ କହିଛି। ୟୁଜର୍ସଙ୍କ ତଥ୍ୟ ଚୋରି ହୋଇଥିବା ନେଇ ନଭେମ୍ବର ୧୭ରେ କମ୍ପାନୀ ଜାଣିବାକୁ ପାଇଥିଲା। ତେବେ ଆଇଟି ଏକ୍ସପର୍ଟଙ୍କ ଜରିଆରେ ଏହାର ତଦନ୍ତ କରାଯାଇଥିଲା।

ତଦନ୍ତ ପରେ ସେପ୍ଟେମ୍ବର ୬ ରୁ ଫେକ୍ ପାସଓ୍ୱାର୍ଡ ଜରିଆରେ ସାଇଟ୍ ହ୍ୟାକ୍ କରାଯାଇ ତଥ୍ୟ ଚୋରି ଉଦ୍ୟମ କରାଯାଉଥିବା ଜଣାପଡ଼ିଛି। ଓ୍ୱାର୍ଡ ପ୍ରେସର ପ୍ରାଥମିକ ପାସଓ୍ୱାର୍ଡ କମ୍ପାନୀ ପକ୍ଷରୁ ବଦଳା ଯାଇଥିଲେ ବି ପୁରୁଣା ପାସଓ୍ୱାର୍ଡ ବ୍ୟବହାର କରାଯାଇ ଡାଟା ଲିକ୍ କରାଯାଇଛି ବୋଲି କମ୍ପାନୀ ଅଭିଯୋଗ କରିଛି।