ଏହି ଯାତ୍ରାରେ ୫୧ଲକ୍ଷରେ ବିକ୍ରି ହୁଅନ୍ତି ମେଣ୍ଢା !

ନନ୍ଦିଘୋଷ ବ୍ୟୁରୋ: ପ୍ରତିବର୍ଷ ମହାରାଷ୍ଟ୍ରର ସାଙ୍ଗଲିର ଅଟପାଡି ଗ୍ରାମରେ ଏକ ସ୍ୱତନ୍ତ୍ର ଯାତ୍ରା ହୋଇଥାଏ, ଯାହା “ଛେଳି-ମେଣ୍ଡା ଯାତ୍ରା” ଭାବରେ ଜଣାଶୁଣା । ଏହି ଯାତ୍ରା କେବଳ ଧାର୍ମିକ ଯାତ୍ରା ନୁହେଁ ବରଂ ସାମାଜିକ, ଅର୍ଥନୈତିକ ଏବଂ ସାଂସ୍କୃତିକ ଦିଗ ମଧ୍ୟ ଏଥିରେ ଜଡିତ  । ମହାରାଷ୍ଟ୍ରର ଏହି ଯାତ୍ରାରେ ଛେଳି ଏବଂ ମେଣ୍ଡାଙ୍କ ବ୍ୟବସାୟ ପାଇଁ ସମଗ୍ର ରାଜ୍ୟରେ ପ୍ରସିଦ୍ଧ । କର୍ଣ୍ଣାଟକର ବେଲଗାମ୍, କୋଲ୍ହାପୁର, ସାତାରା ଏବଂ ସୋଲାପୁରରୁ କୃଷକ ଏବଂ ବ୍ୟବସାୟୀମାନେ ଏଠାକୁ ବ୍ୟବସାୟ କରିବାକୁ ଆସିଥାଆନ୍ତି ।

ବର୍ଷ ବର୍ଷ ଧରି ଯାତ୍ରା କିପରି ବଦଳିଛି?

ଏହାପୂର୍ବରୁ ଏହି ଯାତ୍ରାରେ ମାଣ୍ଡେଶୀ ଖିଲାର ଷଣ୍ଢ, ଗାଈ ଏବଂ ବଳଦଙ୍କ କ୍ରୟ ଏବଂ ବିକ୍ରୟ ହେଉଥିଲା, କିନ୍ତୁ ଗତ କିଛି ବର୍ଷ ମଧ୍ୟରେ ଛେଳି ଓ ମେଣ୍ଢାଙ୍କ କ୍ରେଜ ବୃଦ୍ଧି ପାଇଛି। ବିଶେଷକରି “ମାଡଗାଲୀ ମେଣ୍ଢା ଏହି ଯାତ୍ରାର ସବୁଠାରୁ ବଡ଼ ଆକର୍ଷଣ ପାଲଟିଛି  ।

ମାଡଗାଲୀ ମେଣ୍ଢା କାହିଁକି ସ୍ୱତନ୍ତ୍ର?

ମାଡଗାଲୀ ମେଣ୍ଢାର ଦାମ ଲକ୍ଷ ଲକ୍ଷ ଟଙ୍କା  । ୩ଦିନର ଛୁଆ ମେଣ୍ଢାଠୁ ଆରମ୍ଭ କରି ବୁଢା ମେଣ୍ଢା ପର୍ଯ୍ୟନ୍ତ ସବୁଧରଣର ମେଣ୍ଢା ଏଠାରେ କିଣାଯାଇ ବିକ୍ରି ହୁଏ  । ଆପଣ ଶୁଣିଲେ ଆଶ୍ଚର୍ଯ୍ୟ ହେବେ ଏଥର ଯାତ୍ରା ସମୟରେ ମାଡଗାଲୀ ମେଣ୍ଢାର ଦାମ ପାଖାପାଖି ୫୧ଲକ୍ଷ ଛୁଇଁଥିଲା ।  ଲୋକମାନେ ମେଣ୍ଢାକୁ ବୋହୂ ପରି ସଜେଇ ସଙ୍ଗୀତ ବଜାଇ ଏହି ଯାତ୍ରାକୁ ଆସିଥାଆନ୍ତି ।

କୃଷକଙ୍କର ବଦଳୁଛି ଭାଗ୍ୟ 

ଅଟପାଡି ପରି ମରୁଡ଼ି ପ୍ରଭାବିତ ଅଞ୍ଚଳରେ ଏହି ଯାତ୍ରା ଗୋରୁ ପାଳକମାନଙ୍କ ପାଇଁ ଆୟର ମୁଖ୍ୟ ଉତ୍ସ ଅଟେ | କୃଷକମାନେ କହିଛନ୍ତି ଯେ ଏହି ଯାତ୍ରା ସମୟରେ ସେମାନଙ୍କ ପଶୁମାନଙ୍କର ମୂଲ୍ୟ ୫ଗୁଣା ବୃଦ୍ଧି ପାଇଥାଏ । ବଜାର କମିଟିର ଉପାଧ୍ୟକ୍ଷ ରାହୁଲ ଗାଇକୱାଡ କୁହନ୍ତି, ଏଠାରେ ମେଣ୍ଢାମାନଙ୍କର ମୂଲ୍ୟ  ୩-୪ଲକ୍ଷରୁ ଆରମ୍ଭ କରି ୫୧ ଲକ୍ଷ ଟଙ୍କା ମଧ୍ୟରେ ରହିଛି।

ଯାତ୍ରାର ମହତ୍ତ୍ୱ

ଅଟପାଡିର ଗ୍ରାମ ଦେବତା ଶ୍ରୀ ଉତ୍ତରେଶ୍ବରଙ୍କର ଏହି ଯାତ୍ରା କାର୍ତ୍ତିକ ପୂର୍ଣ୍ଣିମା ଠାରୁ ଆରମ୍ଭ ହୋଇ ଏକ ସପ୍ତାହ ପର୍ଯ୍ୟନ୍ତ ଚାଲିଥାଏ । ଏହି ମେଳା କୃଷକ ଏବଂ ବ୍ୟବସାୟୀମାନଙ୍କ ପାଇଁ ଏକ ବଡ ପର୍ବ । ଏହି ଯାତ୍ରାରେ ପଶୁଙ୍କୁ କେବଳ କିଣାବିକା କରାଯାଇନଥାଏ, ବରଂ ସେମାନଙ୍କର ପ୍ରଜାତି ଏବଂ ଗୁଣ ମଧ୍ୟ ପ୍ରଦର୍ଶିତ ହୋଇଥାଏ  ।