‘ଗ୍ଲୋରୀ ଅଫ୍ ଲର୍ଡ ଶ୍ରୀଜଗନ୍ନାଥ’ ଇଂରାଜୀ ଗ୍ରନ୍ଥ ଉନ୍ମୋଚିତ

ନନ୍ଦିଘୋଷ ବ୍ୟୁରୋ: ଓଡ଼ିଶାର ବରିଷ୍ଠ ଶ୍ରୀଜଗନ୍ନାଥ ସଂସ୍କୃତି ଗବେଷକ ଡକ୍ଟର ଭାସ୍କର ମିଶ୍ରଙ୍କ ଲିଖିତ ‘ଗ୍ଲୋରୀ ଅଫ୍ ଲର୍ଡ ଶ୍ରୀଜଗନ୍ନାଥ’ ଇଂରାଜୀ ଗ୍ରନ୍ଥ ଉନ୍ମୋଚିତ । ମହାପ୍ରଭୁଙ୍କ ଚିତାଲାଗି ଅମାବାସ୍ୟା ଅବସରରେ ଖଣ୍ଡଗିରିସ୍ଥିତ ହିଲ ସାଇଡ ରନରେ ଗ୍ରନ୍ଥର ଉନ୍ମୋଚନ କରାଯାଇଛି । ଐତିହ୍ୟ ବିଶାରଦ ତଥା ବିଜୟନୀ ସ୍ମୃତି ଟ୍ରଷ୍ଟର ପ୍ରତିଷ୍ଠାତା ଡାକ୍ତର ଇନ୍ଦ୍ରମଣୀ ଜାନର ମୁଖ୍ୟ ଅତିଥି ଭାବେ ଯୋଗଦେଇ ଏହାକୁ ଉନ୍ମୋଚନ କରିଛନ୍ତି । ନୂଆଦିଲ୍ଲୀ ସ୍ଥିତ ଅଭିନବ ପବ୍ଲିକେସନ ପକ୍ଷରୁ ଏହାକୁ ପ୍ରକାଶ କରାଯାଇଛି । ୩୩୨ ପୃଷ୍ଠା ବିଶିଷ୍ଟ ୧୦ଟି ପରିଚ୍ଛେଦରେ ଶ୍ରୀକ୍ଷେତ୍ର ଧାମ ସମ୍ପର୍କୀତ ଅନେକ ତଥ୍ୟ ଭିତ୍ତିକ ପ୍ରସଙ୍ଗ ସମେତ ଶ୍ରୀମନ୍ଦିର, ଶ୍ରୀଜଗନ୍ନାଥଙ୍କ ସମ୍ପର୍କରେ ଉଲ୍ଲେଖ ରହିଛି । ଏହାସହ ୨୦୦ଟି ଦୁର୍ଲଭ ଫଟୋ ଏଥିରେ ସ୍ଥାନୀତ ହୋଇଛି ।

ପ୍ରକାଶନ ସଂସ୍ଥାର ନିର୍ଦ୍ଦେଶକ ଅତିଭ ମଲ୍ଲିକଙ୍କ ଅନୁରୋଧ କ୍ରମେ ସମଗ୍ର ୟୁରୋପରେ ବସବାସ କରୁଥିବା ଶ୍ରୀଜଗନ୍ନାଥ ପ୍ରେମୀ ପାଠକଙ୍କ ନିମନ୍ତେ ଏହି ଦିବ୍ୟ ପୁସ୍ତକ ରଚନା କରିଛନ୍ତି ଡକ୍ତର ମିଶ୍ର । ଏଥିରେ ଶ୍ରୀକ୍ଷେତର ପ୍ରାଚୀନତା, ଶ୍ରୀମନ୍ଦିର, ପରିଚାଳନା ଇତିହାସ, ମହାପ୍ରଭୁଙ୍କ ଦୈନନ୍ଦିନ ନୀତି, ଯାନି ଯାତ୍ରା, ବେଶ, ଗଜପତିଙ୍କ ସେବା ପରମ୍ପରା, ଅନ୍ୟାନ୍ୟ ସେବା ଓ ସେବକ ପରମ୍ପରା, ମହାପ୍ରଭୁଙ୍କ ଭୂସମ୍ପତ୍ତି, ରତ୍ନଭଣ୍ଡାର, ମାଦଳା ପାଞ୍ଜିରେ ଜଗନ୍ନାଥ ପ୍ରସଙ୍ଗ, ଶ୍ରୀମନ୍ଦିରର ସଂରକ୍ଷଣ ଇତିହାସ, ବିଭିନ୍ନ ସ୍ଥାନରୁ ଶ୍ରଦ୍ଧାଳୁଙ୍କ ଆଗମନ ଓ ଦର୍ଶନ, ପୁରୀ ମଠାନୁଷ୍ଠାନ, ଶ୍ରୀକ୍ଷେତ୍ର ବିଭିନ୍ନ ଦେବଦେବୀ ଓ ଅନ୍ୟ ପ୍ରସିଦ୍ଧ ସ୍ଥାନ ଏଥିରେ ସ୍ଥାନୀତ ହୋଇଛି । ଭାରତରେ ଏହା ୪୫୦୦ ଟଙ୍କାରେ ମିଳୁଥିବା ବେଳେ ବିଦୋରେ ଏହା ଅନଲାଇନରେ ୧୧୮ ଡଲାରରେ ଉପଲବ୍ଧ ହେଉଛି ।