ନବୋଦୟ ବିଦ୍ୟାଳୟ ହଷ୍ଟେଲରେ ଝୁଲିପଡ଼ିଲେ ନବମ ଶ୍ରେଣୀ ଛାତ୍ରୀ

ଗଜପତି: ହଷ୍ଟେଲରେ ଝୁଲିପଡ଼ିଲେ ନବମ ଶ୍ରେଣୀ ଛାତ୍ରୀ । ଘଟଣା ଘଟିଛି ଗଜପତି ପାରଳାଖେମୁଣ୍ଡି ନବୋଦୟ ବିଦ୍ୟାଳୟରେ । ମୃତ ଛାତ୍ରୀ କାଶୀନଗର ବ୍ଲକ ଅଲଡ଼ା ଗାଁର ସୌଦାମିନୀ ରଇତ । ବେକରେ ଚାଦର ଲଗାଇ ନିଜ ରୁମ ପାଖରେ ଆତ୍ମହତ୍ୟା କରିଥିବା ବେଳେ ଆତ୍ମହତ୍ୟାର କାରଣ ଅସ୍ପଷ୍ଟ ରହିଛି। ଆତ୍ମହତ୍ୟା କରିଥିବା ସ୍ଥାନରୁ କିଛି ସହପାଠୀ ଓ ହଷ୍ଟେଲ ୱାର୍ଡେନ ଉଦ୍ଧାର କରି ପାରଳାଖେମୁଣ୍ଡି ମୁଖ୍ୟ ଚିକିତ୍ସାଳୟକୁ ଆଣିଥିଲେ।

ସକାଳ ୫ଟାରେ ସ୍କୁଲ କର୍ତ୍ତୃପକ୍ଷ ମୃତ ଝିଅର ପରିବାର ଲୋକଙ୍କୁ ଫୋନ କରି ଜଣାଇଥିଲେ । ଝିଅକୁ ହତ୍ୟା କରାଯାଇଥିବା ପାରଳାଖେମୁଣ୍ଡି ଥାନାରେ ଲିଖିତ ଅଭିଯୋଗ କରିଛନ୍ତି ପରିବାରଲୋକ । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।