ସରକାରୀ କ୍ୱାଟରରେ ପୁରୀରୁ ନିଖୋଜ ଯୁବତୀ

ଭୁବନେଶ୍ୱର: ରାଜମହଲ ଛକ ନିକଟ ସରକାରୀ କ୍ବାଟରରେ ହାଇଡ୍ରାମା । ପୁରୀରୁ ନିଖୋଜ ହୋଇଥିବା ଜଣେ ଯୁବତୀଙ୍କୁ ଉଦ୍ଧାର କରିଛି ପୋଲିସ । ଯୁବତୀ ଜଣଙ୍କ କଥା କହିପାରୁନାହାନ୍ତି । କ୍ବାର୍ଟରରେ ଜଣେ ଦମ୍ପତିଙ୍କ ସହ ଜଣେ ଯୁବକ ଓ ଯୁବତୀ ଥିଲେ । ପୁରୀ ସଦରରେ ଯୁବତୀ ଜଣକ ନିଖୋଜ ନେଇ ଯୁବତୀଙ୍କ ଭାଇ ଏତଲା ଦେଇଥିଲେ ।

ଖବର ପାଇ ପୁରୀ ସଦର ପୋଲିସ ସ୍ଥାନୀୟ ଲୋକଙ୍କ ସହାୟତାରେ ଯୁବତୀଙ୍କୁ ଉଦ୍ଧାର କରିଛି । ତେବେ ଯୁବତୀଜଣକ ମୂକ ହୋଇଥିବା ଜଣାପଡିଛି । ଯୁବତୀ ଯେଉଁ ଦମ୍ପତ୍ତିଙ୍କ ସହ ଥିଲେ ସେମାନେ ମଧ୍ୟ ମୂକ । ଏନେଇ ଅଧିକ ଖୋଲତାଡ ଜାରି ରହିଛି ।