ମେସରେ ଛାତ୍ରୀଙ୍କୁ ଦୁର୍ବ୍ୟବହାର ପ୍ରଦର୍ଶନ ଅଭିଯୋଗ। ଛାତ୍ରୀମାନେ କାନ୍ଦି କାନ୍ଦି ପରିବାର ଲୋକଙ୍କୁ କହିବା ପରେ ପରିବାର ଲୋକେ ଆସି ମେସରେ ପହଞ୍ଚିଛନ୍ତି। ଏହାକୁ ନେଇ ମେସ ପରିସରରେ ପହଞ୍ଚି ଘେରିଛନ୍ତି ଅଭିଭାବକ। ଉଦଳା ମୋନାଲିସା ଏକାଡେମୀ ନାମରେ ଆସିଛି ସାଂଘାତିକ ଅଭିଯୋଗ। ଏହି ମେସର ମାଲିକ ବିଶିକେସନ ଗୋଛାୟତ ମେସରେ ରହୁଥିବା ଛାତ୍ରୀମାନଙ୍କୁ ବିଭିନ୍ନ ସମୟ ପାଖକୁ ଡାକିବା ସହିତ ସେମାନଙ୍କୁ ଦୁର୍ବ୍ୟବହାର ପ୍ରଦର୍ଶନ କରିବା ଅଭିଯୋଗ ହୋଇଆସୁଛି। ଛାତ୍ରୀମାନେ ଏହା ପ୍ରକାଶ କରିବାରୁ ଅଭିଭାବକମାନେ ଉତ୍ତ୍ୟକ୍ତ ହୋଇ ମେସ ଘେରିଛନ୍ତି। ପାଟିତୁଣ୍ଡ ସତ୍ତ୍ବେ ମାଲିକ ଘରୁ ପଦାକୁ ଆସି ନଥିବା କୁହାଯାଉଛି। ଏହାକୁ ନେଇ ପରିବାର ଲୋକେ ନିଜ ପିଲାଙ୍କୁ ମେସରୁ ନେଇ ଯାଇଛନ୍ତି। ଖବର ପାଇ ପୋଲିସ ଘଟଣାସ୍ଥଳରେ ପହଂଚି ଥିବା ବେଳେ ମେସ ମାଲିକ କବାଟ ବନ୍ଦ କରି ଘର ଭିତରେ ରହିଥିବା ବେଳେ ବାହାରକୁ ବାହାରି ନାହାନ୍ତି।
