ଦୁର୍ଘଟଣା ଭଳି ଲାଗିବ ବୋଲି…ଝିଅର ପ୍ରେମିକକୁ ଡାକି ଏମିତି କଲା ବାପା !

ମଧ୍ୟପ୍ରଦେଶର ଏମିତି ଏକ ଲୋମହର୍ଷଣ କାରି ଦୃଶ୍ୟ ସାମ୍ନାକୁ ଆସିଛି । ଯେଉଁଠି ଝିଅର ପ୍ରେମକୁ ଗ୍ରହଣ କରି ନାହିଁ ବାପା ଆଉ ଘଟାଇଛି ଏମିତି ଏକ ଯୋଜନା ବଦ୍ଧ ହତ୍ୟାକାଣ୍ଡ । ମଧ୍ୟପ୍ରଦେଶର ଜଣେ ଯୁବକକୁ ଏଥିପାଇଁ ହତ୍ୟା କରାଗଲା କାହିଁକି ନା ସେ ସେହି ଗାଁର ଏକ ଝିଅକୁ ପ୍ରେମ କରୁଥିଲା । ସ୍ଥାନୀୟ ପୋଲିସର କହିବା ଅନୁସାରେ ଝିଅର ବାପା ଏବଂ ତା ମାମୁଁ ପୁଅ ଭାଇ ଏହି ହତ୍ୟାକାଣ୍ଡ ଭିଆଇଛନ୍ତି ।

ଆଶ୍ଚର୍ଯ୍ୟର କଥା ହେଉଛି ହତ୍ୟା କରି ତାହାକୁ ଏକ ଦୁର୍ଘଟଣାର ରୂପ ଦେବାକୁ ଏମାନେ ବହୁ ଚେଷ୍ଟା କରିଥିଲେ । ଦାନିସ କୁରେସିଙ୍କୁ ହତ୍ୟା କରି ତାକୁ ଟ୍ରେନ ଲାଇନରେ ଫୋପାଡ଼ି ଦେଇଥିଲେ । ଏବଂ ତାପରେ ତାର ପାରିପାର୍ଶ୍ୱିକ ଦୃଶ୍ୟକୁ ଦୁର୍ଘଟଣାର ରୂପ ଦେବାକୁ ବହୁତ ଚେଷ୍ଟା ମଧ୍ୟ କରିଥିଲେ । କିନ୍ତୁ ପୋଲିସ ଆଗରେ ସବୁ ଯୋଜନା ଏମାନଙ୍କର ଫେଲ ମାରିଛି ।

ସୂଚନା ଅନୁସାରେ, ଝିଅର ବାପା ଓ ମାମୁଁ ପୁଅ ଭାଇ ଉକ୍ତ ଦାନିସଙ୍କୁ ଝିଅଠୁ ଦୂରେଇ ରହିବାକୁ କହିଥିଲେ  । ଯୁବକ ଜଣଙ୍କ ଅମଙ୍ଗ ହେବାରୁ ତାକୁ ହତ୍ୟା କରି ଟ୍ରେନ ଲାଇନରେ ଫୋପାଡ଼ି ଦେଇଥିଲେ ଏବଂ ଯୁବକଙ୍କ ବାଇକକୁ ଭାଙ୍ଗି ଟ୍ରେନ ଲାଇନର ଅଳ୍ପ ଦୂରତାରେ ପକାଇଥିଲେ ଯେମିତି ସେ ଦୃଶ୍ୟ ଏକ ଦୁର୍ଘଟଣା ଭଳି ଲାଗିବ ।

ଗତ ୩୧ ଜାନୁଆରୀର ଏହି ଘଟଣା ପାରିପାର୍ଶ୍ୱିକ ଦୃଶ୍ୟରୁ ଏହା ଦୁର୍ଘଟଣା ଭଳି ମଧ୍ୟ ଲାଗିଥିଲା କିନ୍ତୁ କିଛି ଦିନ ପାଇଁ । ତା’ପରେ ଯୁବକଙ୍କ ପୋଷ୍ଟମର୍ଟମ ରିପୋର୍ଟ ଘଟଣା ଉପରୁ ପରଦା ଉଠାଇଥିଲା । ଯୁବକଙ୍କ ବେକର ଚିହ୍ନରୁ ତାଙ୍କୁ ହତ୍ୟା କରାଯାଇଥିବା ସ୍ପଷ୍ଟ ହୋଇଥିଲା । ଘଟଣାରେ ଝିଅର ବାପାକୁ ଗିରଫ କରାଯାଇଥିବା ବେଳେ ମାମୁଁ ପୁଅ ଭାଇ ଏପର୍ଯ୍ୟନ୍ତ ଫେରାର ଥିବା ସୂଚନା ଦେଇଛନ୍ତି ମଧ୍ୟପ୍ରଦେଶ ପୋଲିସ ।