ପୁଣି ଅଲୋଡା ଶିଶୁକନ୍ୟା; ବସ୍‌ ଚକା ତଳେ ଛାଡି ଚାଲିଗଲେ

କେନ୍ଦୁଝର : ପୁଣି ଅଲୋଡା ହେଲା ଶିଶୁକନ୍ୟା  । ବସ୍‌ ଚକା ତଳେ ଶିଶୁକନ୍ୟାକୁ ଛାଡ଼ି ଚାଲିଗଲେ । ଆଉ ଟିକକରେ ଯାଇଥାନ୍ତା ଜୀବନ । କେନ୍ଦୁଝର ଜିଲ୍ଲା ଚମ୍ପୁଆରେ ଏଭଳି ଅଭାବନୀୟ ଘଟଣା ଘଟିଛି । ଛଅମାସର କନ୍ୟା ସନ୍ତାନକୁ ସମ୍ପର୍କୀୟ ବ୍ୟାଗରେ ପୂରାଇ ଏକ ବସ୍ ଚକ ତଳେ କେହି ଛାଡ଼ି ଚାଲିଯାଇଥିଲେ । ଚମ୍ପୁଆ ପୋଲିସ୍ ଶିଶୁଟିକୁ ଉଦ୍ଧାର କରି ଚମ୍ପୁଆ ମେଡିକାଲରେ ଭର୍ତ୍ତି  କରାଯାଇଥିବା ବେଳେ ସେ ସୁସ୍ଥ ଥିବା ସୂଚନା ମିଳିଛି । କନ୍ୟା ସନ୍ତାନଟିର ପରିଚୟ ମିଳିନାହିଁ । ଏଭଳି ଅମାନୁଷିକ କାମ କିଏ ଏବଂ କାହିଁକି  କଲା, ସେନେଇ ଅଞ୍ଚଳରେ ଉଦବେଗ ପ୍ରକାଶ ପାଇଛି । ଏ ନେଇ ତଦନ୍ତ ଜାରି ରଖିଛି ପୋଲିସ ।