ମହିଳାଙ୍କୁ ଗଣଦୁଷ୍କର୍ମ ପରେ ଶରୀରରେ ପିଟିଲେ କଣ୍ଟା, ଜୀବନ୍ତ ଜାଳିଦେଲେ

ଇମ୍ଫାଲ: ମଣିପୁରର ଜିରିବାମ ଜିଲ୍ଲାରେ ସବୁ ସୀମା ଟପିଗଲେ ସନ୍ଦିଗ୍ଧ ଉଗ୍ରବାଦୀ  । ମହିଳାଙ୍କୁ ଗଣଦୁଷ୍କର୍ମ ପରେ ଜୀବନ୍ତ ଜାଳିଦେଲେ ଉଗ୍ରବାଦୀ  । ଏହାପରେ ପାଖାପାଖି ୨୦ଟି ଘର ସେମାନେ ଜାଳି ଦେଇଛନ୍ତି । ମହିଳାଙ୍କ ତିନୋଟି ସନ୍ତାନ ଅଛନ୍ତି  । ମହିଳାଙ୍କ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ଉଗ୍ରବାଦୀଙ୍କ ଘୃଣ୍ୟ କାମର ପର୍ଦ୍ଦାଫାଶ ହୋଇଛି  ।

ପିଡିତା ଜୀବନ୍ତ ଥିବାବେଳେ ତାଙ୍କ ଶରୀରରେ କଣ୍ଟା ବାଡେଇବା ସହ ଜଳାଇବା ସମୟରେ ଥାର୍ଡ ଡିଗ୍ରୀ ନିର୍ଯାତନା ଦିଆଯାଇଛି  । ନଭେମ୍ବର ୭ରେ ତିନି ପିଲାଙ୍କ ୩୧ ବର୍ଷୀୟ ମା’ଙ୍କ ସହ ଏଭଳି ଘଟଣା ଘଟିଛି  । ଏହି ଘଟଣା ପରେ ହିଂସା ଆହୁରି ବୃଦ୍ଧି ପାଇଛି  । ସେହି ରାତିରେ ଜୈରାବନରେ ୧୭ଟି ଘରେ ଲୁଟପାଟ ପରେ ଅପରାଧୀ ମାନେ ଘର ଗୁଡିକରେ ନିଆଁ ଲଗାଇ ଦେଇଛନ୍ତି  ।

ଶବ ବ୍ୟବଚ୍ଛେଦ ରିପୋର୍ଟରେ ମହିଳାଙ୍କ ଡାହାଣ ଜଙ୍ଘର ପଛପଟେ ବଡ କ୍ଷତ ଓ ବାମ ଜଙ୍ଘରେ କଣ୍ଟା ପିଟାଯାଇଥିବା ଉଲ୍ଲେଖ ଅଛି  । ଶରୀର ୯୯ ପ୍ରତିଶତ ଜଳିଯାଇଛି  । ଏପରିକି ଭଙ୍ଗା ହାଡ ଗୁଡିକ ଜଳିଯାଇଛି  । ମହିଳାଙ୍କ ଡାହାଣ ଭାଗ ଅଙ୍ଗ ଓ ଚେହେରାର ସରଞ୍ଚନା ହି ଗାଏବ ହୋଇଯାଇଛି  । ମହିଳାଙ୍କୁ ଏଭଳି ଅକଥନୀୟ ଅତ୍ୟାଚାର ବେଳେ ତାଙ୍କ ସ୍ବାମୀ ଓ ତିନି ପିଲା କେଉଁଠି ଥିଲେ ତାହା ଜଣାପଡିନାହିଁ  ।

ଫେରଜାୱଲ ଓ ଜିରିବାମର ସ୍ବଦେଶୀ ଜନଜାତି ସମିତି ଜୁଡବାଁ ଆଦିବାସୀ ପ୍ରଧାନ ଜିଲ୍ଲା କୁକୁ-ଜୋମି-ହମାର ଲୋକଙ୍କ ସୁରକ୍ଷା ପାଇଁ କେନ୍ଦ୍ର ସରକାରଙ୍କ ହସ୍ତକ୍ଷେପ ପାଇଁ ଅନୁରୋଧ କରିଛନ୍ତି  ।