ଦାଣ୍ଡି ରାମାୟଣ ସହ ଜଡିତ ‘ରସାବଳି’କୁ ଜିଆଇ ଟ୍ୟାଗ୍ ଦାବି

କେନ୍ଦ୍ରାପଡ଼ା: ପ୍ରସିଦ୍ଧ କେନ୍ଦ୍ରାପଡ଼ା ରସାବଳି ନାଁ ଶୁଣିଲେ ପାଟିରୁ ଲାଳ ଝରି ଆସିବ । ରାଜ୍ୟରେ ଏମିତି କେହି ନଥିବେ ଯିଏ ଏହାର ସ୍ବାଦ ପାଇ ନଥିବେ । କେବଳ ରାଜ୍ୟ ନୁହେଁ ରାଜ୍ୟା ବାହାରେ ମଧ୍ୟ ରସାବଳିର ବହୁତ ଲୋକପ୍ରିୟତା ରହିଛି । କେବଳ ମଣିଷଙ୍କ ପ୍ରିୟ ନୁହେଁ ଏହି ମିଷ୍ଠାନ । କେନ୍ଦ୍ରାପଡ଼ାର ଆରାଧ୍ୟ ଦେବତା ଶ୍ରୀ ବଳଦେବଜୀଉଙ୍କ ମଧ୍ୟ ଅତି ପ୍ରିୟ । ପ୍ରତିଦିନ ସନ୍ଧ୍ୟା ଆଳତି ପୂର୍ବରୁ ବଳଦେବଜୀଉଙ୍କ ନିକଟରେ ଲାଗି ହୋଇଥାଏ ରସାବଳି ଭୋଗ ।

ଓଡ଼ିଶାର ଐତିହ୍ୟ ଓ ପରମ୍ପରା ସହ ଜଡିତ ରସାବଳିର ପୁରାଣ ସମ୍ପର୍କ ମଧ୍ୟ ରହିଛି । ଦାଣ୍ଡି ରାମାୟଣ ଓ ଜନମୋହନ ରାମାୟଣରେ ରହିଛି ରସାବଳିର ଉଲ୍ଲେଖ ।  ସହ ମଧ୍ୟ ରହିଛି ରସାବଳିର ସମ୍ପର୍କ । ୮୦୦ ବର୍ଷର ଏହି ମିଷ୍ଠାନ୍ନର ଚାହିଦା ଆଜି ବି ପୂର୍ବ ଭଳି ରହିଛି ।

ସ୍ବତନ୍ତ୍ର ଭାବେ ଓଡ଼ିଶାର କେନ୍ଦ୍ରାପଡ଼ାରେ ପ୍ରସ୍ତୁତ ହେଉଥିବା ରସାବଳିକୁ ଜିଆଇ ଟ୍ୟାଗ ଦେବାକୁ ଦାବି ଉଠିବାରେ ଲାଗିଛି । ରାଜ୍ୟ ସରକାରଙ୍କ ବିଭିନ୍ନ ସ୍ବେଚ୍ଛାସେବୀ ସଂଗଠନ ଏନେଇ ଦାବି ଉଠାଉଛନ୍ତି । କେନ୍ଦ୍ର ସରକାର ଏଥିପ୍ରତି ଦୃଷ୍ଟି ଦେଇ ଓଡ଼ିଶାର ଏହି ମିଠାକୁ ଜିଆଇ ଟ୍ୟାଗ୍ ପ୍ରଦାନ କରିବାକୁ ଦାବି ବଢିବାରେ ଲାଗିଛି ।