ଗିରଫ ହେଲା ଭୂତଙ୍କ ସଭାପତି, ବିପିନ ରାଉତରାୟ ଗିରଫ ପରେ ଆସିଲା ସାଂଘାତିକ ସତ

ଖୋର୍ଦ୍ଧା: ବନ୍ଧାହେଲେ ବିପିନ ରାଉତରାୟ। ଦୁଇ ଦୁଇଟି ମାମଲାରେ ଭୂତଙ୍କ ସଭାପତିକୁ ବାନ୍ଧିଲା ପୋଲିସ୍ । ଗିରଫ ପରେ ପଦାକୁ ଆସିଲା ସାଂଘାତିକ ସତ । ଜ୍ୟୋତିଷ ବିପିନ ରାଉତରାୟ । ନିଜକୁ ଭୂତମାନଙ୍କ ସଭାପତି କହି ଗଣମାଧ୍ୟମରେ ଥିଲା ଚର୍ଚ୍ଚାରେ । ୨୦୧୩ ମସିହାରେ ନିଜ ଭାଇ ଏବଂ ୨୦୧୬ରେ ଆଉ ଜଣେ ସମ୍ପର୍କୀୟକୁ ଗୁଳି ମାରି ଫେରାର ହୋଇ ଯାଇଥିବା ଅଭିଯୋଗ ହୋଇଥିଲା । ପୈତୃକ ସମ୍ପତିକୁ ନେଇ ବିପିନ ତାଙ୍କୁ ୨୦୧୩ରେ ଗୁଳି ମାରି ପଙ୍ଗୁ କରିଦେଇଛି । ସେ ଏବେବି ଉଠି ପାରୁନାହାନ୍ତି । ତାଙ୍କ ପତ୍ନୀଙ୍କ ଆଖିରୁ ଲୁହ ଶୁଖୁନି।

ଦୁଇଟି ଗୁଳିମାଡ଼ ଘଟଣାରେ ତା ନାଁରେ ଥିଲା ଜାମିନ ବିହିନ ଗିରଫ ପରଓ୍ବାନା । ଗତକାଲି ଖୋର୍ଦ୍ଧା ସଦର ଥାନା ଅନ୍ତର୍ଗତ ନନ୍ଦପୁରରୁ ତାକୁ ଗିରଫ କରିଛି ପୋଲିସ୍ । ଗୁଳିମାଡ଼ ମାମଲାରେ ତାଙ୍କୁ କୋର୍ଟ ଚାଲାଣ କରିଛି ପୋଲିସ୍ । ତେବେ ତାଙ୍କ ଗିରଫଦାରି ପରେ ତାଙ୍କ ବିଷୟରେ ଅନେକ କଥା ଶୁଣିବାକୁ ମିଳୁଛି ।