ଫିଲ୍ମ ‘ଘାୟଲ’କୁ ୩୦ ବର୍ଷ , ଏହି ଅବସରରେ ଧର୍ମେନ୍ଦ୍ର ସେୟାର କଲେ ଏମିତି କିଛି…

ବଲିଉଡ ଅଭିନେତା ଧର୍ମେନ୍ଦ୍ର ୩୦ ବର୍ଷ ପୂର୍ବେ ମୁକ୍ତିଲାଭ କରିଥିବା ‘ଘାୟଲ’ ଫିଲ୍ଲ ସହ ଜଡିତ କିଛି ସ୍ମୃତି ସେୟାର କରିଛନ୍ତି । ଜୁନ ୨୨,୧୯୯୦ରେ ରିଲିଜ୍ ହେଇଥିବା ସନ୍ନି ଦେୱଲଙ୍କ ଏହି ଫିଲ୍ମ ବ୍ଲକ୍ ବଷ୍ଟର ହିଟ୍ ହେଇଥିଲା  । ରାଜକୁମାର ସନ୍ତୋଷୀ ଏହି ଚଳଚ୍ଚିତ୍ରକୁ ନିର୍ଦ୍ଦେଶନା ଦେଇଥିବା ବେଳେ ଧର୍ମେନ୍ଦ୍ର ଏହି ଚଳଚ୍ଚିତ୍ରର ନିର୍ମାତା ଥିଲେ  । ମିନାକ୍ଷୀ ଶେଷାଦ୍ରୀ ତାଙ୍କ ବିପକ୍ଷରେ ନାୟିକା ଥିଲେ ।

https://twitter.com/i/status/1275578101955608577

ଧର୍ମେନ୍ଦ୍ର ଏହି ଫିଲ୍ମ ସହ ଜଡିତ  କିଛି ପୁରୁଣା ସାକ୍ଷାତକାରର ଝଲକ ଏବଂ କ୍ଲିପ୍ ସେୟାର କରିଛନ୍ତି  ।  ଭି଼ଡିଓରେ ମିନାକ୍ଷୀ କହୁଛନ୍ତି, ଫିଲ୍ମ କେତେ ସଫଳ ହେବ ମୁଁ କହି ପାରିବିନି କିନ୍ତୁ ସନ୍ନିଙ୍କ ଉପରେ ମୋର ପୂରା ବିଶ୍ୱାସ ଅଛି । ଅନ୍ୟ ପକ୍ଷରେ ସନ୍ନି କହିଛନ୍ତି, ଆମେ କୌଣସି ବ୍ୟବସାୟିକ ଚଳଚ୍ଚିତ୍ର ନିର୍ମାଣ କରୁନାହୁଁ  ଯେଉଁଥିରେ ଡାଇଲଗର ଯୋଡା ଅର୍ଥ ଥିବ ।

https://twitter.com/jhanji98/status/1275579438533693440?ref_src=twsrctfwtwcamptweetembedtwterm1275579438533693440&ref_url=httpsaajtak.intoday.instorydharmendra-shares-ghayal-memories-blockbuster-on-box-office-sunny-deol-movie-tmov-1-1203733.html

ସାକ୍ଷାତକାରରେ  ମିନାକ୍ଷୀ କହୁଛନ୍ତି, ସେ ଏହି ଫିଲ୍ମର ସଫଳତା ଶ୍ରେୟ ସନ୍ନି, ଧରମ ଜୀ ଏବଂ ରାଜକୁମାର ସନ୍ତୋଷୀଙ୍କୁ ଦେବେ  । ଭି଼ଡିଓ ସେୟାର କରି ଧର୍ମେନ୍ଦ୍ର କ୍ୟାପସନ୍ ଲେଖିଛନ୍ତି, “ଶୁଭ ସକାଳ ସାଙ୍ଗମାନେ, ୩୦ ବର୍ଷ ତଳେ କିଛି କରିଥିଲି ଯାହା…..” ଏହି ଭିଡିଓକୁ ପ୍ରଶଂସକ ମାନେ ଅଧିକ ପସନ୍ଦ କରିବା ସହ ସେୟାର ମଧ୍ୟ କରିଛନ୍ତି  ।

ୟୁଜର୍ସ କମେଣ୍ଟ ବାକ୍ସରେ ନିଜ ମନ୍ତବ୍ୟ ମଧ୍ୟ ଦେଇଛନ୍ତି  । ଜଣେ ପ୍ରଶଂସକ ଫିଲ୍ମର ପ୍ରଶଂସା କରି ଲେଖିଛନ୍ତି, “ଏହା ସନ୍ନି ଭାଇଙ୍କର ଏପିକ୍ ଚଳଚ୍ଚିତ୍ର ମଧ୍ୟରୁ ଗୋଟେ  । ଇତିହାସର ଶ୍ରେଷ୍ଠ ୧୦ଟି ଚଳଚ୍ଚିତ୍ରରେ ‘ଘାୟଲ’ ସ୍ଥାନ ପାଇଛି  । ୧୬୩ ମିନିଟର ଏହି ଚଳଚ୍ଚିତ୍ର ସେହି ସମୟରେ ବକ୍ସ ଅଫିସରେ ପ୍ରାୟ ୧୭କୋଟି ରୋଜଗାର କରିଥିଲା  ।