ନିଲମ୍ବିତ ହେଲେ ଘାଘରାମୁଣ୍ଡା ପିଇଓ

ଢେଙ୍କାନାଳ: ନିଲମ୍ବିତ ହେଲେ ପଞ୍ଚାୟତ ନିର୍ବାହୀ ଅଧିକାରୀ । ଢେଙ୍କାନାଳ ଜିଲ୍ଲା କଙ୍କଡାହାଡ଼ ବ୍ଲକ ଘାଘରାମୁଣ୍ଡା ପଞ୍ଚାୟତ ନିର୍ବାହୀ ଅଧିକାରୀ ବସନ୍ତ କୁମାର ବେହେରା । ଗତ ୧୫ ତାରିଖ ଦିନ ମୋବାଇଲରୁ ମୋବାଇଲକୁ ଘୁରି ବୁଲୁଥିଲା ପଞ୍ଚାୟତ ନିର୍ବାହୀ ଅଧିକାରୀଙ୍କୁ ଜୋତା ମାଡ଼ ଘଟଣା । ଯାହାକୁ ନେଇ ସମଗ୍ର ଅଞ୍ଚଳ ଚାଞ୍ଚଲ୍ୟ ସୃଷ୍ଟି ହୋଇଥିଲା । ଜିଲ୍ଲାପାଳ ଭୂମେଶ ଚନ୍ଦ୍ର ବେହେରା ତଦନ୍ତ ପରେ ପିଇଓ ବସନ୍ତ କୁମାର ବେହେରାଙ୍କୁ ନିଲମ୍ବିତ କରିଛନ୍ତି । ପିଇଓ ପଞ୍ଚାୟତରେ ଘର ହିତାଧିକାରୀଙ୍କ ଲିଷ୍ଟକୁ ଏପଟ ସେପଟ କରି ଅଡୁଆରେ ପଡ଼ିଥିଲେ । ଯାହାକୁ ନେଇ ଲୋକ ଅସନ୍ତୋଷ ପ୍ରକାଶ କରିବା ସହ ତାଙ୍କୁ ମାଡ଼ ମାରିଥିଲେ ।