ଷ୍ଟୁର୍ଟଗାର୍ଟ ବିଶ୍ବ ଦକ୍ଷତା ପ୍ରତିଯୋଗିତା ଶେଷ

ଜର୍ମାନୀ: ସରିଲା ଜର୍ମାନୀ ଏଡିସନ । ଷ୍ଟୁର୍ଟଗାର୍ଟରେ ଚାଲିଥିବା ଚାରି ଦିନିଆ ୫୫ତମ ବିଶ୍ବ ଦକ୍ଷତା ପ୍ରତିଯୋଗିତା ସଫଳତାର ସହ ଶେଷ ହୋଇଛି । ପ୍ରତିଯୋଗୀ ନିଜ ନିଜର ଟାସ୍କ ଶେଷ କରିଥିବାରୁ ନିଜ ପ୍ରଶିକ୍ଷକଙ୍କ ସହ ଉତ୍ସବ ମନାଇଛନ୍ତି । ଫଳଫଳ ଘୋଷଣା ହୋଇନି, କିନ୍ତୁ ସମସ୍ତେ ମେଡାଲ ପାଇବାକୁ ଆଶାବାଦୀ । ବିଶ୍ବସ୍ତରରେ ନିଜ ନିଜ ଦେଶକୁ ପ୍ରତିନିଧିତ୍ବ କରୁଥିବାରୁ ପ୍ରତିଯୋଗୀ ବେଶ ଉତ୍ସାହିତ । ବିଶ୍ବସ୍ତରରେ ଏଭଳି ପ୍ରତିଯୋଗିତା ଯୁବଗୋଷ୍ଠୀଙ୍କ ପାଇଁ ନିଯୁକ୍ତି ଓ ଆତ୍ମନିଯୁକ୍ତିର ଭରପୁର ସୁଯୋଗ ସୃଷ୍ଟି କରୁଛି ବୋଲି ଦେଇଛନ୍ତି ମତ ।

ସକସେସ୍ ପରେ ଚାଲିଛି ସେଲିବ୍ରେସନ । ଥମ୍ବସ ଅପ ଭିକ୍ଟ୍ରି ଭିତରେ ସାମ୍ଫେନରେ ଚିୟର ଅପ୍  । ସିଙ୍ଗଲ ଫ୍ରେମରେ ସବୁ ପ୍ରତିଯୋଗୀଙ୍କ ଫେୟାରୱେଲ ଫଟୋ ।  ନିଜ ନିଜର ଟାସ୍କ ସଫଳତାର ସହ ଶେଷ କରିଛନ୍ତି ସବୁ ପ୍ରତିଯୋଗୀ । ସବୁଠୁ ବଡ କଥା ହେଉଛି ଧୀରେ ଧୀରେ ବିଶ୍ବ ଦକ୍ଷତା ପ୍ରତିଯୋଗିତାରେ ମହିଳାଙ୍କ ଯୋଗଦାନ ବଢିବାରେ ଲାଗିଛି । ୨୦୧୯ ତୁଳନାରେ ଚଳିତବର୍ଷ ବିଭିନ୍ନ ପ୍ରତିଯୋଗିତାରେ ମହିଳାଙ୍କ ସଂଖ୍ୟା ପ୍ରାୟ ୫୦ ପ୍ରତିଶତ । ବିଶ୍ବ ଦରବାରରେ ନିଜର ଦକ୍ଷତା ପ୍ରଦର୍ଶନ କରିବାର ସୁଯୋଗ ମିଳିଥିବାରୁ ଉତ୍ସାହୀ ପ୍ରତିଯୋଗୀ ।

ବିଶ୍ବସ୍ତରରେ ଆୟୋଜିତ ହେଉଥିବା ଏଭଳି ପ୍ରତିଯୋଗିତା ଦକ୍ଷ ମାନବସମ୍ବଳ ସୃଷ୍ଟି କରୁଛି । ସାରା ବିଶ୍ବରେ ଏବେ ସ୍କିଲ ୱାର୍କର୍ସଙ୍କ ଅଭାବ ରହିଛି । ବିଶ୍ବ ଦକ୍ଷତା ପ୍ରତିଯୋଗିତା ଏହି ଅଭାବକୁ ପୂରଣ କରୁଥିବା ବେଳେ ଯୁବଗୋଷ୍ଠୀଙ୍କ ପାଇଁ ବ୍ୟାପକ ସମ୍ଭାବନା ସୃଷ୍ଟି କରୁଛି ।

ଜର୍ମାନରେ ପ୍ରତିଯୋଗିତା ଶେଷ ହୋଇଛି । ଆଗକୁ ସ୍ବିଜରଲାଣ୍ଡ, ସିଙ୍ଗାପୁର, ଫ୍ରାନ୍ସ, ସ୍ବିଡେନ ଭଳି ଦେଶରେ ପ୍ରିଣ୍ଟିଂ ଟେକ୍ନୋଲୋଜି, ଜୁଏଲାରୀ, ବେକେରୀ, ରେଫ୍ରିଜିରେସନ ଓ ଏୟାର କଣ୍ଡିସନିଂ, ଡିଜିଟାଲ ଗେମ, ସାଇବର ସିକ୍ୟୁରିଟି, ଆଇଟି ନେଟୱର୍କ, ରିନ୍ୟୁଏବୁଲ ଏନର୍ଜି, ରୋବର୍ଟ ଇଣ୍ଟିଗ୍ରେନ ଆଦି ପ୍ରତିଯୋଗିତା ହେବ ।