ଆଜି ପୃଥିବୀ ସହ ମାଡ଼ ହୋଇପରେ ଜିଓମ୍ୟାଗ୍ନେଟିକ୍ ଝଡ, ଜାଣନ୍ତୁ କ’ଣ ସବୁ ହେବ ପ୍ରଭାବିତ ?

ୱାଶିଂଟନ: ପୃଥିବୀଠାରୁ କୋଟି କୋଟି କିଲୋମିଟର ଦୂରରେ ଥିବା ସୂର୍ଯ୍ୟଠାରୁ ଆମକୁ ଆଲୋକ ମିଳିଥାଏ । କିନ୍ତୁ ବହୁବାର ସୂର୍ଯ୍ୟ ଦେହରୁ ବାହାରୁ ଥିବା ଝଡ ଆମ ପାଇଁ ବିନାଶକାରୀ ହୋଇପାରେ। ଏଭଳି ଏକ ସୌର ଝଡ ଆଜି (ଶନିବାର) ପୃଥିବୀ ଦେହରେ ମାଡ ହୋଇପାରେ। ଆମେରିକା ମହାକାଶ ସମ୍ପର୍କିତ ପାଣିପାଗ ବିଷୟରେ ସୂଚନା ନ୍ୟାସନାଲ ଏରୋନୋଟିକ୍ସ ଆଣ୍ଡ ସ୍ପେସ୍ ଆଡମିନଷ୍ଟେ୍ରସନ୍ (ନାସା)ଏନେଇ ଚେତାବନୀ ଦେଇଛି।

କୁହାଯାଉଛି ଯେ, ଜିଓମ୍ୟାଗ୍ନେଟିକ୍ ଷ୍ଟୋର୍ମ ବା ଭୂ-ଚୁମ୍ବକୀୟ ଝଡ ସୂର୍ଯ୍ୟର ଏକ ଅଂଶରେ ବିସ୍ଫୋରଣ ହେବାପରେ ଆସିଛି। ଏହା ସହିତ ନ୍ୟାସନାଲ ଏରୋନୋଟିକ୍ସ ଆଣ୍ଡ ନାସାର ସୋଲାର ସୋଲାର ଡାଇନାମିକ୍ସ ଅବଜରଭେଟୋରୀ ମଧ୍ୟ ସୂର୍ଯ୍ୟରୁ ରଶ୍ମୀରୁ ଉଜ୍ଜ୍ୱଳ ଆଲୋକ ବାହାରୁଥିବାର ସୂଚନା ଦେଇଛି। ଏହାଦ୍ୱାରା ଶନିବାର ଅର୍ଥାତ ଆଜି ପୃଥିବୀ ସହ ଏକ ଜିଓମ୍ୟାଗ୍ନେଟିକ୍ ଷ୍ଟୋର୍ମ ବା ଭୂ-ଚୁମ୍ବକୀୟ ଝଡ ମାଡ ହୋଇପାରେ।

କୁହାଯାଉଛି ଯେ, ଏହି ଝଡଦ୍ୱାରା ମଣିଷକୁ କିଛି କ୍ଷତି ହେବାର ସମ୍ଭାବନା ନାହିଁ, କିନ୍ତୁ ଜିପିଏସ୍ ଓ ସଞ୍ଚାର ବ୍ୟବସ୍ଥା ପ୍ରଭାବିତ ହୋଇପାରେ। ଏହି ଝଡର ବିଶେଷ ପ୍ରଭାବ ଆମେରିକାରେ ଦେଖିବାକୁ ମିଳିପାରେ। କୁହାଯାଉଛି ଯେ, ଗୁରୁବାର ସୂର୍ଯ୍ୟର ୫ଟି କ୍ଲଷ୍ଟର୍ସରୁ ଗୋଟିଏ ବିନ୍ଦୁରୁ ଲକ୍ଷାଧିକ ଟନ୍  ଆୟୋନାଇଜଡ୍ ଗ୍ୟାସ୍ ବାହାରିଥାଏ। ସେଭଳି ଆମେରିକା ସ୍ପେସ୍ ଏଜେନ୍ସି ସୂଚନା ଦେଇଛି ଯେ, ଗୁରୁବାର ସୂର୍ଯ୍ୟଠାରୁ X1  କ୍ଲାସ ପ୍ଲେୟାର ଅର୍ଥାତ ଚକମ ବାହାରିଥିଲା। ନାସାର କହିବା ଅନୁସାରେ X କ୍ଲାସ ସବୁଠାରୁ ତୀବ୍ର ଚମକ ଦେଇଥାଏ।  X2, X3 କିନ୍ତୁ  ଏହାଠାରୁ ଅଧିକ ତୀବ୍ର ହୋଇଥାଏ। ସୂର୍ଯ୍ୟରେ ହୋଇଥିବା ଏହି ଗତିବିଧି କାରଣରୁ ରେଡିଓ ବ୍ୟବସ୍ଥା ଉପରେ ପ୍ରଭାବ ପଡିପାରେ।