ରଥଯାତ୍ରା ସମୟରେ ଖୋଲିବ ରତ୍ନ ଭଣ୍ଡାର !

ପୁରୀ : ଖୋଲିବ ଶ୍ରୀମନ୍ଦିର ରତ୍ନଭଣ୍ଡାର । ରଥଯାତ୍ରା ସମୟରେ ରତ୍ନଭଣ୍ଡାର ଗୃହ ଯାଞ୍ଚ କରିବ ଏଏସଆଇ  । ଯାଞ୍ଚ ପାଇଁ ଗଠନ ହେବ ଉଚ୍ଚସ୍ତରୀୟ ବୈଷୟିକ କମିଟି । ସୁପ୍ରିମକୋର୍ଟ କିମ୍ବା ହାଇକୋର୍ଟର ଅବସରପ୍ରାପ୍ତ ବିଚାରପତିଙ୍କ ଅଧ୍ୟକ୍ଷତାରେ ଉଚ୍ଚସ୍ତରୀୟ ବୈଷୟିକ କମିଟି ଗଠନ ହେବ । ଟିମରେ ଏଏସଆଇ ଓ ପରିଚାଳନା କମିଟି ସଦସ୍ୟ ରହିବେ  । ଏନେଇ ଏଏସଆଇ ପକ୍ଷରୁ ଶ୍ରୀମନ୍ଦିର ପ୍ରଶାସନକୁ ଚିଠି  ଲେଖାଯାଇଥିବା ଶ୍ରୀମନ୍ଦିର ପରିଚାଳନା କମିଟି ବୈଠକରେ ସୂଚନା ଦିଆଯାଇଛି  । ସେହିଭଳି ଶ୍ରୀମନ୍ଦିର ଚାରିଦ୍ବାର ଖୋଲିବା ପ୍ରସଙ୍ଗରେ  ପରିଚାଳନା କମିଟି ବୈଠକରେ ଆଲୋଚନା କରାଯାଇଛି  । ଦୁଇଟି ଦ୍ବାର ଖୋଲାଯାଇଥିବା ବେଳେ ଆଉ ଦୁଇଟି ଦ୍ବାର ଖୋଲିବା ନେଇ ଆଲୋଚନା ହୋଇଛି  । ପରିକ୍ରମା ପ୍ରକଳ୍ପ ନିର୍ମାଣ ସରିଲା ପରେ ଚାରିଟି ଯାକ ଦ୍ବାର ଖୋଲାଯିବ  ।