ବିଶ୍ବର ଟପ୍ ଟେନ୍ ଧନୀ ତାଲିକାରୁ ବାହାରିଲେ ଗୌତମ ଆଦାନୀ

ନୂଆଦିଲ୍ଲୀ: ବିଶ୍ବର ଟପ୍ ଟେନ୍ ଧନୀ ତାଲିକାରୁ ବାହାରିଲେ ଗୌତମ ଆଦାନୀ । କମୁଛି ଭାରତର ୧ ନଂ ଧନୀଙ୍କ ସମ୍ପତ୍ତି । ଆଦାନୀ ଗ୍ରୁପ ଲୋକଙ୍କୁ ମିଛ କହି ନିଜ ଶେୟାର ମୁଲ୍ୟ ବୃଦ୍ଧି କରି ଠକେଇ କରୁଥିବା କଥା କହିଛି ହିଣ୍ଡେନବର୍ଗ ରିସର୍ଚ୍ଚ । ଏ କଥା କହିବା ପରେ ସାରା ଦେଶରେ ହଇଚଇ ସୃଷ୍ଟି ହୋଇଛି । ଏହା ପରେ ଲଗାତାର କମୁଛି ଶେୟାରର ମୂଲ୍ୟ । ଏପରି ତଥ୍ୟକୁ କିନ୍ତୁ ଗୌତମ ଆଦାନୀ ଗ୍ରହଣ କରନାହାନ୍ତି ।

ପୂର୍ବରୁ ବିଶ୍ବ ଧନୀ ତାଲିକାରେ ୩ ନଂ ସ୍ଥାନରେ ଥିଲେ ଗୌତମ । ଏ ରିପୋର୍ଟ ପ୍ରକାଶ ପାଇବା ପରେ ସେ ୭ ନଂ ସ୍ଥାନକୁ ଖସିଥିଲେ । ଆଜି ସ୍ଥିତି ଆହୁରି ଖରାପ ହେବାରୁ ସେ ଟପ୍ ଟେନ୍ ତାଲିକାରୁ ବାହାର ହୋଇଛନ୍ତି । ଏହା ଜଣାପଡ଼ିବା ପରେ ତାଙ୍କ ଉପରେ କେହି ସହଜରେ ଭରଷା କରି ପାରୁନାହାନ୍ତି । ଶେୟାରର ମୂଲ୍ୟ କମୁ ଥିବାରୁ ନିବେଶକମାନେ ମଧ୍ୟ କ୍ଷତି ସହୁଛନ୍ତି ।