ଖୋର୍ଦ୍ଧା: ଖୋର୍ଦ୍ଧା ଜିଲ୍ଲା ବାଣପୁର ଥାନା ଗମ୍ଭାରିମୁଣ୍ଡାରେ ଅଘଟଣ। ଗ୍ୟାସ ଟାଙ୍କି ଫାଟି ୫ଜଣ ଗୁରୁତର ହୋଇଛନ୍ତି। ଗୁରୁତରଙ୍କୁ ଭୁବନେଶ୍ୱରର ଏମ୍ସ୍କୁ ସ୍ଥାନାନ୍ତର କରାଯାଇଛି। ଗମ୍ଭାରିମୁଣ୍ଡା ଗାଁର ଦେବ ପ୍ରଧାନଙ୍କ ଘରେ ଗ୍ୟାସ ଚୁଲା ଲଗାଇଲା ବେଳେ ଲିକ୍ ହୋଇ ଘରେ ନିଆଁ ଲାଗିଯାଇଥିଲା। ନିଆଁରୁ ଫ୍ରିଜ୍ କଂପ୍ରେସର ବିସ୍ଫୋରଣରୁ ଘଟଣା ଘଟିଥିବା ସନ୍ଦେହ କରାଯାଉଛି।
ଗୁରୁତର ମାନେ ହେଲେ ଦେବ ପ୍ରଧାନଙ୍କ ପଡୋଶୀ ବୁଧୀରାମ ବାରିକ, ପ୍ରସନ୍ନ ବାରିକ, ପ୍ରମୋଦ ବରାଳ, ବୁଟୁ ବରାଳ, ସମୀର ବରାଳଙ୍କ ସହ ଅନ୍ୟ ୨ଜଣ ଗୁରୁତର ହୋଇଥିବା ଜଣାପଡିଛି। ଗୁରୁତର ମାନଙ୍କ ଶରୀରର ୮୦ ପ୍ରତିଶତରୁ ଅଧିକ ପୋଡି ଯାଇଥିବା ଅନୁମାନ କରାଯାଇଛି। ଘଟଣାସ୍ଥଳରେ ଗମ୍ଭାରି ମୁଣ୍ଡା ଫାଣ୍ଡି ପୋଲିସ୍ ସହ ଚିଲିକା ଅଗ୍ନିଶମ ବାହୀନୀ ପହଞ୍ଚି ଉଦ୍ଧାର କାର୍ଯ୍ୟ କରୁଛନ୍ତି।
