ତାଳଦଣ୍ଡା ନିକଟରେ ଗ୍ୟାସ ଲିକ୍, ମରାମତି ବେଳେ ସମ୍ପରେ ପଡି ଶ୍ରମିକ ମୃତ

ପାରାଦୀପ : କଟକ-ପାରାଦୀପ ରାସ୍ତାରେ ଅଘଟଣ। ତାଳଦଣ୍ଡା ନିକଟରେ ଗ୍ୟାସ ଲିକ୍। ମରାମତି କରୁଥିବା ବେଳେ ସମ୍ପରେ ପଡି ଶ୍ରମିକ ମୃତ । ପାରାଦୀପ ରୁ ଜଗତସିଂହପୁର ଯାଇଥିବା ବିପିସିଏଲ ରନ୍ଧନ ଗ୍ୟାସ ପାଇପର ଭାଲବ ଲିକ୍ ବନ୍ଦ କରିବାକୁ ଯାଇ ଏଭଳି ଅଘଟଣ ଘଟିଛି।  ମୃତ ଶ୍ରମିକ ଜଣକ ହେଲେ ପାରାଦ୍ଵୀପ ବିଜଚାନ୍ଦପୁରର ପରିମଳ ଗାଏନ। ଅଗ୍ନିଶମ ବିଭାଗ ଓ କୁଜଙ୍ଗ ପୋଲିସ ପକ୍ଷରୁ ମୃତ ଶ୍ରମିକଙ୍କୁ ଉଦ୍ଧାର କରାଯାଇ କୁଜଙ୍ଗ ମେଡିକାଲରେ ଭର୍ତ୍ତି କରାଯାଇଛି। ଗ୍ୟାସ୍ ପାଇପ ଲାଇନରେ ଲିକ୍ ଯୋଗୁ ଦୁଇଜଣ ଶ୍ରମିକଙ୍କୁ ପାରାଦୀପରୁ ନେଇଥିଲେ ଠିକାଦାର । ସେଠାରେ ସମ୍ପର ସ୍ଲାପ ଉଠାଇବା ପରେ ଜଣେ ଶ୍ରମିକ ତଳକୁ ଯାଇଥିଲେ ।  ଜଣେ ଶ୍ରମିକ ଉପରେ ସହଯୋଗ କରିବା ପାଇଁ ଛିଡା ହୋଇଥିଲେ । ମାତ୍ର ତାଙ୍କୁ କୈାଣସି ସେଫ୍ଟି ସରଞ୍ଜାମ ଦେଇନଥିଲେ ଠିକାଦାର କି ଉକ୍ତ ଶ୍ରମିକ ମାନେ । ଦୁଇ ଶ୍ରମିକ ତାଲିମ ପ୍ରାପ୍ତ ମଧ୍ୟ ନଥିଲେ । ଶ୍ରମିକ ଜଣଙ୍କ ତଳକୁ ପଶିବା ମାତ୍ରେ ଉତ୍କଟ ଗ୍ୟାସ ପ୍ରଭାବରେ ଟଳି ପଡ଼ିଥିଲେ। ସଙ୍ଗେ ସଙ୍ଗେ କୁଜଙ୍ଗ ପୋଲିସ ଓ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ଶେଷରେ ଶ୍ରମିକଙ୍କୁ ଉଦ୍ଧାର କରି ମେଡିକାଲ ନିଆଯାଇଥିବା ବେଳେ ତାଙ୍କର ମୃତ୍ୟୁ ହୋଇଛି । ପୋଲିସ ଘଟଣାର ତଦନ୍ତ ଆରମ୍ଭ କରିଛି । ଶବ ବ୍ୟବଚ୍ଛେଦ ପରେ ଅନ୍ୟ ତଥ୍ୟ ଜଣା ପଡିବ ବୋଲି କୁଜଙ୍ଗ ଆଇଆଇସି ପ୍ରକାଶ କରିଛନ୍ତି।