ରୋଷେଇ କରୁଥିବାବେଳେ ଫାଟିଲା ଗ୍ୟାସ ସିଲିଣ୍ଡର, ମାଆ ପୁଅ ଗୁରୁତର

ବାଲେଶ୍ବର: ଗ୍ୟାସ ଟାଙ୍କି ଫାଟି ମାଆ ପୁଅ ଗୁରୁତର। ରୋଷେଇ କରୁଥିବାବେଳେ ଫାଟିଲା ଗ୍ୟାସ ସିଲିଣ୍ଡର। ବାଲେଶ୍ବର ଜିଲ୍ଲା ସୋର ମୁନିସବିରା ଗାଁର ଘଟଣା। ମାଆକୁ ଉଦ୍ଧାର କରିବାକୁ ଯାଇ ପୁଅ ଗୁରୁତର ହୋଇଛି  l ଉଭୟଙ୍କୁ ସୋର ମେଡିକାଲ ଓ ପରେ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି। ଗୁରୁତର ହେଉଛନ୍ତି  ଭାରତୀ ସାହୁ  ଓ ପୁଅ ପ୍ରଶାନ୍ତ ସାହୁ। ନିଆଁ ଲାଗି ଭାରତୀ ଜଳୁଥିବା ବେଳେ ପୁଅ ପ୍ରଶାନ୍ତ ଉଦ୍ଧାର କରିବାକୁ ଯାଇ ମାଆ ଦେହରୁ ନିଆଁ ଲିଭାଇବା ବେଳେ ଆହତ ହୋଇଥିଲେ l

ପରିବାର ଅନ୍ୟ ସଦସ୍ୟ ବାରଣ୍ଡାରେ ରହିଥିବାରୁ ଅଳ୍ପକେ ବର୍ତ୍ତି ଯାଇଛନ୍ତି l ସ୍ଥାନୀୟ ଲୋକେ ଗେଟ ଭାଙ୍ଗି ଗୁରୁତର ଅବସ୍ଥାରେ ଉଭୟଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ମେଡିକାଲରେ ଭର୍ତ୍ତି କରିଛନ୍ତି। ସେତେବେଳକୁ ଘର ସଂପୂର୍ଣ୍ଣ ଧୂଆଁମୟ ହୋଇଯାଇଥିବା ପ୍ରତ୍ୟକ୍ଷଦର୍ଶୀ କହିଛନ୍ତି।