ରାଜଧାନୀରେ ବାଇକରେ ବୁହା ହେବ ଅଳିଆ

ଭୁବନେଶ୍ବର: ପରିମଳ ବ୍ୟବସ୍ଥାରେ ସୁଧାର ଆଣିବାକୁ ବିଏମସିର ନୂଆ ଯୋଜନା । ଖୁବଶୀଘ୍ର ବାଇକରେ ବୁହା ହେବ ଅଳିଆ । ଭୁବନେଶ୍ୱର ମହାନଗର ନିଗମ ଅଧୀନରେ ଏଭଳି କିଛି ଅଞ୍ଚଳ ରହିଛି ଯେଉଁଠିକୁ ଅଳିଆ ସଂଗ୍ରହ କରିବାକୁ ବଡ଼ ଗାଡି କିମ୍ବା ୩ ଚକିଆ ସଫେଇବାଲା ଗାଡି ଯାଇପାରୁନାହିଁ । ସେହି ସବୁ ଅଞ୍ଚଳକୁ ଚିହ୍ନଟ କରାଯାଇଛି । ସେଠାରୁ ବାଇକ ଯୋଗେ ଅଳିଆ ସଂଗ୍ରହ କରିବ ବିଏମସି ।

ବିଏମସି କମିଶନର ବିଜୟ ଅମୃତା କୁଲାଙ୍ଗେଙ୍କ ଅଧ୍ୟକ୍ଷତାରେ ବସିଥିବା ଗୁରୁତ୍ୱପୂର୍ଣ୍ଣ ବୈଠକରେ ଏହି ନିଷ୍ପତ୍ତି ନିଆଯାଇଛି । ପ୍ରଥମ ପର୍ଯ୍ୟାୟରେ ପୁରୁଣା ଭୁବନେଶ୍ୱର ଅଞ୍ଚଳରୁ ଏହାକୁ କାର୍ଯ୍ୟକାରୀ କରାଯିବ । ଏହି ପ୍ରକଳ୍ପ କାର୍ଯ୍ୟକାରୀ ହେଲେ ଦେଶର ପ୍ରଥମ ସହର ଓ ମହାନଗର ନିଗମ ଭାବେ ବିଏମସି ଏହାକୁ କାର୍ଯ୍ୟକାରୀ କରିବ ।