କ୍ୱାରେଣ୍ଟାଇନ କେନ୍ଦ୍ର ନିକଟକୁ ନ ଯିବା ଲାଗି ଜିଲ୍ଲାପାଳଙ୍କ ବାରଣ
ଗଞ୍ଜାମ: ବଢୁଛି ଗଞ୍ଜାମ ଜିଲ୍ଲାରେ କରୋନା ଗ୍ରାଫ୍ । ଶହେ ଟପିଲା ଆକ୍ରାନ୍ତଙ୍କ ସଂଖ୍ୟା । ଗଞ୍ଜାମରେ ମୋଟ ଆକ୍ରନ୍ତଙ୍କ ସଂଖ୍ୟା ୧୧୮ ଥିବା ବେଳେ, ଜଣଙ୍କର ମୃତ୍ୟୁ ହୋଇଛି । ଅନ୍ୟପଟେ ଗଞ୍ଜାମବାସୀଙ୍କୁ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ଅନୁରୋଧ କରିଛନ୍ତି । ସଙ୍ଗରୋଧ କେନ୍ଦ୍ର/ଟିଏମ୍ସିକୁ ନଯିବାକୁ ଲୋକଙ୍କୁ ଅନୁରୋଧ କରିଛନ୍ତି । ସଙ୍ଗରୋଧରେ ଥିବା ସମସ୍ତେ ହଟସ୍ପଟ୍ ଅଞ୍ଚଳରୁ ଆସିଛନ୍ତି ।
ଜିଲ୍ଲା ପ୍ରଶାସନ ପକ୍ଷରୁ କେନ୍ଦ୍ରରେ ଥିବା ଆକ୍ରାନ୍ତଙ୍କ ଉପଯୁକ୍ତ ଯତ୍ନ ନିଆଯାଉଛି । କିଛିଲୋକ ନିଜ ନିଜର ସଂପର୍କୀୟଙ୍କୁ ଭେଟିବା ସହ ବାହାରୁ ଖାଦ୍ୟ ଦେଉଛନ୍ତି । କ୍ୱାରେଣ୍ଟାଇନ କେନ୍ଦ୍ର ନିକଟକୁ ନ ଯିବା ଲାଗି ବାରଣ କରାଯାଇଛି । କୋଭିଡ ନିୟମକୁ ଉଲଘଂନ କଲେ ସେମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି ଚେତାବନୀ ଦେଇଛନ୍ତି ଜିଲ୍ଲାପାଳ । ଏ ନେଇ ଟୁଇଟ କରି ସୂଚନା ଦେଇଛନ୍ତି ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ।
