ଲମତାପୁଟ ଓ ପାଡ଼ୁଆ ପୋଲିସକୁ ବଡ଼ ସଫଳତା, ଲକ୍ଷାଧିକ ଟଙ୍କାର ଗଞ୍ଜେଇ ଜବତ

କୋରାପୁଟ: ୭୧୭କେଜି ଗଞ୍ଜେଇ ଜବତ । ଲମତାପୁଟ ଓ ପାଡ଼ୁଆ ପୋଲିସକୁ ବଡ଼ ସଫଳତା । ପୃଥକ ପୃଥକ ସ୍ଥାନରେ ଚଢାଉ କରି ୭୧୭ କେଜି ଗଞ୍ଜେଇ ସହ ୩ଟି ଗାଡ଼ି ଜବତ କରିଛି ପୋଲିସ । ତେବେ ଘଟଣାସ୍ଥଳରୁ ୬ ଗଞ୍ଜେଇ ମାଫିଆ ଫେରାର ହୋଇଯାଇଛନ୍ତି । ଜବତ ଗଞ୍ଜେଇର ଆନୁମାନିକ ମୂଲ୍ୟ ୨୨ ଲକ୍ଷ ହେବ ।

ଗତକାଲି କୋରାପୁଟ ଓ ନନ୍ଦପୁର ପୋଲିସଙ୍କ ନେତୃତ୍ୱରେ ରାତିରେ ଦୁଇଟି ଟିମ ଗଠନ କରି ପାଟ୍ରୋଲିଂ ବେଳେ ଗଂଜେଇ ଜବତ କରାଯାଇଥିଲା । ଜଲାପୁଟ ଅଂଚଳରୁ ଗଞ୍ଜେଇ ଭର୍ତି କାର ଓ ଜୟପୁର ଯାଉଥିବା ଗୋଟିଏ ବୋଲେରୋ ଗାଡି ଓ ପିକଅପ୍ ଭ୍ୟାନକୁ ଜବତ କରାଯାଇଛି । ଜବତ ଗଂଜେଇ ଛତିଶଗଡ଼, ବିହାର,ଆନ୍ଧ୍ରପ୍ରଦେଶ ଓ ଉତ୍ତରପ୍ରଦେଶରେ ଅଂଚଳକୁ ଚୋର ଚାଲାଣ ହେଉଥିବା ପୋଲିସର ପ୍ରାଥମିକ ତଦନ୍ତରୁ ଜଣାପଡିଛି ।