ଭୁବନେଶ୍ଵରରୁ ବିପୁଳ ପରିମାଣର ଗଞ୍ଜେଇ ଜବତ

ଭୁବନେଶ୍ୱର : କମିଶନରେଟ ପୋଲିସର ସ୍ପେଶାଲ କ୍ରାଇମ ୟୁନିଟକୁ ବଡ଼ ସଫଳତା। ରାଜଧାନୀ ଭିତରକୁ ଗଞ୍ଜେଇ ଚାଲାଣ ବେଳେ ମାଡି ବସିଲା ସ୍ପେଶାଲ କ୍ରାଇମ ୟୁନିଟ। ଦଶହରା ବେଳେ ବିଭିନ୍ନ ସ୍ଥାନରେ ଡିଲ ପାଇଁ ହୋଇଥିଲା ଯୋଜନା। ଟାର୍ଗେଟରେ ଥିଲେ କିଛି ପ୍ରତିଷ୍ଠିତ କଲେଜର ଇଞ୍ଜିନିୟରିଂ ଛାତ୍ର। ବିଶେଷ ସୁତ୍ରରୁ ଖବର ପାଇବା ପରେ ରାଜଧାନୀ ଉପକଣ୍ଠ ଗଙ୍ଗପଡା ଠାରେ ଏକ ସୁଇଫ୍ଟ ଡିଜେଆର କାରରେ ୧ କୁଇଣ୍ଟାଲରୁ ଅଧିକ ଗଞ୍ଜେଇ ପ୍ୟାକେଟ ଜବତ କରିଥିଲା ପୋଲିସ । ସାଧା ପୋଷାକରେ ପୋଲିସ ଗାଡିଟିକୁ ଅଟକାଇବା ବେଳେ ପୋଲିସକୁ ଧକ୍କା ଦେଇ ଖସିବାକୁ ଉଦ୍ୟମ କରିଥିଲା ନିଶା ମାଫିଆ। ଶେଷରେ କାଇମାଟିଆ ପାଟଣା ନିକଟରେ ଗଞ୍ଜେଇ ଭର୍ତ୍ତି ଗାଡିଟିକୁ ଜବତ କରାଯାଇଥିଲା। ହେଲେ ଡ୍ରାଇଭର ସମେତ ୨ ଜଣ ଅଭିଯୁକ୍ତ ଘଟଣାସ୍ଥଳରୁ ଫେରାର ହୋଇଯାଇଛନ୍ତି। ସେମାନଙ୍କୁ ଧରିବା ପାଇଁ ପୋଲିସର ସ୍ପେଶାଲ କ୍ରାଇମ ୟୁନିଟ ଛାନବିନ ଆରମ୍ଭ କରିଛି ।