ଲମତାପୁଟ: ଜଳାପୁଟ ଅଞ୍ଚଳରୁ ବିପୁଳ ପରିମାଣର ଗଞ୍ଜେଇ ଜବତ। ରାଜସ୍ଥାନକୁ ଗଞ୍ଜେଇ ଚାଲାଣ ବେଳେ ୩ଜଣଙ୍କୁ ଗିରଫ କରିଛି ମାଛକୁଣ୍ଡ ପୁଲିସ। ସୂଚନା ଅନୁଯାୟୀ ଜଳାପୁଟରୁ ରାଜସ୍ଥାନକୁ ଗଞ୍ଜେଇ ଚାଲାଣ ହେଉଥିବା ନେଇ ବିଶେଷ ସୂତ୍ରରୁ ଖବର ପାଇଥିଲା ମାଛକୁଣ୍ଡ ଓ ଲମତାପୁଟ ପୁଲିସ। ଖବର ପାଇବା ପରେ ପୋଲିସ ସ୍ୱତନ୍ତ୍ର ଟିମ୍ ଗଠନ କରିବା ସହ ଟିକାପୁଟ ଛକ ନିକଟରେ ନାକାବନ୍ଦୀ କରି ଗାଡି ମୋଟର ଯାଞ୍ଚ କରିଥିଲେ।
ଘଟଣାସ୍ଥଳରେ ସନ୍ଦେହରେ ଗୋଟିଏ କାରକୁ ଅଟକ ରଖିଥିଲା। ଅଟକ କାରରୁ ଶହେ ୮କେଜି ଗଞ୍ଜେଇ ଜବତ କରିବା ସହ ୩ଜଣକୁ ଗିଫ କରିବାରେ ସଫଳ ହୋଇଛି ପୋଲିସ। ହେଲେ ଘଟଣାସ୍ଥଳରୁ କାର୍ ମାଲିକ ଫେରାର ହୋଇଯାଇଛି। ଜବତ ଗଞ୍ଜେଇର ଆନୁମାନିକ ମୁଲ୍ୟ ୪ଲକ୍ଷ ଟଙ୍କା ହେବ ବୋଲି ପୁଲିସ ପକ୍ଷରୁ ସୂଚନା ଦିଆଯାଇଛି। ତେବେ ୩ଗିରଫ ଚାଲାଣକାରୀଙ୍କ ନିକଟରୁ ୪ଟି ମୋବାଇଲ ଫୋନ ସହ ATM କାର୍ଡ ଓ ପରିଚୟ ପତ୍ର ଜବତ କରିଛି।
