ଗଞ୍ଜେଇ ଡେଲିଭରୀ ଅଭିଯୋଗରେ ଫୁଡ୍ ଡେଲିଭରି ବୟ ଗିରଫ : ସ୍ୱିଗିର ସ୍ପଷ୍ଟୀକରଣ,ଆମ ପାଇଁ କାମ କରନ୍ତି ନାହିଁ ଅଭିଯୁକ୍ତ

1 min read

ରାଜଧାନୀରେ ଗଞ୍ଜେଇ କାରବାରର ନୂଆ ଟ୍ରେଣ୍ଡ । ସ୍ୱିଗି ବୟ  ଗଞ୍ଜେଇ ଡେଲିଭରୀ କରୁଥିବା ଅଭିଯୋଗ ହୋଇଛି । ଅଭିଯୁକ୍ତ ପ୍ରେମଚନ୍ଦ୍ର ନାୟକଙ୍କୁ ଗଂଜେଇ କାରବାର ଅଭିଯୋଗରେ ଭୁବନେଶ୍ୱର ଅବକାରୀ ମୋବାଇଲ ସ୍କ୍ୱାଡ୍ ଗିରଫ କରିଛି । ପ୍ରେମଚନ୍ଦ୍ର ଠାରୁ ୧୫ କେଜି ଗଞ୍ଜେଇ ଜବତ ହୋଇଛି । ଜବତ ଗଞ୍ଜେଇର ଆନୁମାନିକ ମୂଲ୍ୟ ୭୫ ହଜାର ଟଙ୍କା ହେବେ । ପ୍ରେମଚନ୍ଦ୍ର କେବେ ଠାରୁ ଗଞ୍ଜେଇ କାରବାର କରୁଥିଲା ତଦନ୍ତ କରୁଛି ଅବକାରୀ ମୋବାଇଲ ସ୍କାର୍ଡ ।

ଅନ୍ୟପକ୍ଷରେ ସ୍ୱିଗି ପକ୍ଷରୁ କୁହାଯାଇଛି ଯେ, ଅଭିଯୁକ୍ତ ପ୍ରେମଚନ୍ଦ୍ର ନାୟକ ସେମାନଙ୍କ ପାଇଁ କାମ କରନ୍ତି ନାହିଁ । ସ୍ୱିଗି ପକ୍ଷରୁ ଜାରି ପ୍ରେସ ବିଜ୍ଞପ୍ତିରେ କୁହାଯାଇଛି ଯେ, ଆମେ ଆମର ସମସ୍ତ ଦସ୍ତାବିଜ ଯାଞ୍ଚ ପରେ ନିଶ୍ଚିତ ଯେ, ଅଭିଯୁକ୍ତ ଜଣଙ୍କ ସ୍ୱିଗି ଡେଲିଭରି ପାର୍ଟନର ନୁହଁନ୍ତି କିମ୍ବା ଆମ ସହ କୌଣସି ଭାବେ ଜଡ଼ିତ ନୁହଁନ୍ତି । ତଥାପି, ଆମେ ଯାଞ୍ଚ କରୁଛୁ ଯେ, ତାଙ୍କଠାରୁ ମିଳିଥିବା ବ୍ୟାଗ ନକଲି ଅଥବା ବେଆଇନ ଭାବେ ପ୍ରାପ୍ତ କରାଯାଇଛି କି । ସ୍ୱିଗି ଏପରି କାର୍ଯ୍ୟକୁ ତୀବ୍ର ନିନ୍ଦା କରୁଛି ଏବଂ ପୋଲିସ ସହ ସମସ୍ତ ସହଯୋଗ କରୁଛି ।

ପୂର୍ବରୁ ମଧ୍ୟ ଏଭଳି ଭିନ୍ନ ଭିନ୍ନ ଉପାୟରେ ଗଞ୍ଜେଇ ଚାଲାଣ ହେଉଥିବା ନଜିର ରହିଛି । କୋରିୟରରେ ହେଉଥିଲା ଗଞ୍ଜେଇ ଚାଲାଣ । ଭୁବନେଶ୍ୱର ଲଜିଷ୍ଟିକ୍ ଓ ଟ୍ରାନ୍ସପୋର୍ଟ ସଂସ୍ଥା ମାଧ୍ୟମରେ ହୋଇଥାନ୍ତା ଗଞ୍ଜେଇ ଚାଲାଣ । ଭିଆରଏଲ କୋରିୟର ମାଧ୍ୟମରେ ଗଞ୍ଜେଇ ଭୁବନେଶ୍ଵରରୁ ଦିଲ୍ଲୀକୁ ଗଞ୍ଜେଇ ଚୋରା ଚାଲାଣ ବେଳେ ୨ ଜଣ ମାଫିଆ ଗିରଫ କରିଥିଲା କମିଶନରେଟ୍ ପୋଲିସ । କୋରିୟର ପ୍ୟାକେଟରୁ ୪୫ କେଜିର ଗଞ୍ଜେଇ ଜବତ ହୋଇଥିଲା ।

ଏଥିସହିତ ପଢ଼ନ୍ତୁ: ଜୟପୁରରେ ଜବତ ହେଲା ୧ ଟନ୍ ଗଞ୍ଜେଇ, ୨ଗିରଫ

 

Opn Commnet Area

Leave a Reply

Your email address will not be published. Required fields are marked *

Close Bitnami banner